| e-texts navigator |
| Wylie |
41b1 ཆོས་ཉིད་དབྱེར་མེད་པས།། རང་སེམས་འོད་གསལ་བདེ་མཆོག་ལ།། རྩོལ་སྒྲུབ་འཁོར་བའི་ལོག་ཆོས་ཡིན།། རང་སེམས་མ་བཅོས་བདེ་མཆོག་ལ།། སྐྱོན་ཡོན་ཟད་རྫོགས་ལྷུན་གྲུབ་པས།། སེམས་ཉིད་སངས་རྒྱས
41b2 ཀུན་གྱི་རྗེ།། བཙལ་མེད་གདོད་ནས་རང་འཁྲུངས་ཡིན།། ལོངས་སྤྱོད་རོལ་པ་རང་ལས་འཆར།། མ་ལུས་ཀུན་གྱི་བདག་ཉིད་པས།། ཚོགས་དང་ལོངས་སྤྱོད་ཐམས་ཅད་ཡིན།། ཚོགས་དང་ལོངས་སྤྱོད་རང་འཁྲུངས
41b3 ཡིན།། རང་སེམས་བསྟན་པ་ཀུན་གྱི་བདག། བརྗོད་བྲལ་རིག་པའི་སྒོ་མོ་ལས།། བྱིན་བརླབས་བསྟན་པ་རྒྱ་ཆེར་འཆད།། བསྟན་པ་རང་འཁྲུངས་རྫོགས་པའི་ལུང་།། རང་སེམས་རྫོགས་པའི་རང་བཞིན་ནི།། བསམ
41b4 སྦྱོར་བློ་དང་བྲལ་བ་ཡིན།། དེ་དག་གནས་ཚུལ་ངེས་པ་ནི།། གང་ཡང་ཐོག་མེད་ཅིར་མི་འཇུག། སྤྲོ་བསྡུ་མེད་པས་སྙིང་པོར་རྫོགས།། སྣང་བ་མི་འགག་རང་བཞིན་ཉིད།། རྙོག་མེད་བདེར་བཞག་མ་བཙལ
41b5 བས།། རང་བཞག་ཉིད་ཀྱི་གོ་བ་སྟེ།། དུས་གཅིག་རྫོགས་པར་གནས་པ་ཡིན།། མ་བཅོས་དེ་བཞིན་བཞག་པ་དང་།། མ་ཡེངས་འདུ་འབྲལ་མེད་པ་དང་།། མ་བཙལ་རྙོག་སེལ་ལྷུན་གྱིས་གྲུབ།། རང་བཞིན་བཞག་པས
41b6 བཞག་པ་ཡིན།། བདེ་ཆེན་སྟོང་ཉིད་རང་རིག་སེམས།། འདའ་བ་མེད་པའི་དམ་པ་གསུམ།། སྤྱོད་ལམ་སེམས་ཉིད་དགོངས་པ་དག། བཅོས་མེད་རང་སེམས་སྙིང་པོར་ཐིམ།། གསལ་བས་རྙོག་པ་ཀུན
iiif viewer powered by OpenSeadragon
