| e-texts navigator |
| Wylie |
41a1 ཁྱབ་པར་འཆར།། མ་སྐྱེས་ཕྱག་རྒྱ་ཆེན་པོ་ཡིས།། རྒྱལ་བའི་དགོངས་པ་རྫོགས་པར་སྟོན།། རྙོག་པའི་དྲི་མ་གང་སྣང་བ།། ཡེ་ཤེས་དག་པའི་མིག་གིས་ལྟ།། མ་བཅོས་རྫོགས་པའི་ཕྱག་རྒྱ་ཡིས།། སྣང
41a2 བ་ཡེ་ཤེས་སྙིང་པོ་བསྟིམ།། རོལ་པ་རོལ་སྣང་ཕྱོགས་རིས་མེད།། སྟོན་ཀའི་ནམ་མཁའ་ཇི་བཞིན་དུ།། དྲི་མེད་གསལ་བའི་བསམ་གཏན་བྱ།། རང་སེམས་རྫོགས་པ་གཉིས་མེད་ལ།། མ་ཡེངས་གོམ་པར་གནས་པ
41a3 ཡིན།། ཨ་ར་ལི་རྙོག་པ་མེད་པའི་རྒྱུད་ལས།། བསྒྱུར་བ་གསུམ་བསྟན་པའི་ལེའུ་སྟེ་བཞི་པའོ།། །། དེ་ནས་རང་བྱུང་རྒྱལ་པོ་ཉིད།། བསམ་གྱིས་མི་ཁྱབ་ཆོས་ཀྱི་དབྱིངས།། ཕྱག་རྒྱ་ཆེན་པོའི་དགོངས་པ
41a4 བསྟན།། གཉིས་མེད་གསང་བ་རང་གི་རོ།། བསམ་བརྗོད་བྲལ་བའི་འདུ་ཤེས་ཀྱིས།། བརྗོད་བྲལ་རང་བཞིན་གོ་བར་བྱ།། བྱུང་ཚོར་མཚན་མའི་སྣང་བ་ཀུན།། མ་བཅོས་དབྱིངས་ལ་ཐིམ་པར་བྱ།། ཞི་བ་རང་བྱུང་ཡེ
41a5 སངས་རྒྱས།། རྟོག་པ་ཙམ་ལྡན་ལྷུན་གྱིས་གྲུབ།། ཤེས་བྱ་རིག་པའི་རྩལ་རྫོགས་ན།། གདམ་ངག་ལུང་དང་བྲལ་གྱུར་ན།། མཚན་མའི་སྒྲ་ཚིག་འཆལ་བ་ཡིས།། ངན་འགྲོ་ལོག་པའི་གཡང་སར་འགྲོ།། རང་སེམས་ཡེ
41a6 ཤེས་ཀུན་གྱི་བདག། ལུང་ཆེན་ཟབ་མོ་ཀུན་དང་འབྲེལ།། རྣ་བརྒྱུད་ལུང་གི་རྗེས་འབྲངས་ནས།། ངེས་པའི་དོན་ལ་དེ་མ་ཐག། མ་བཙལ་རང་བྱུང་ཐུགས་ལས་འཆར།། དབང་པོ་ཡུལ་ལས་ཡིན་པར་ཞོག། ཆོས་དང
iiif viewer powered by OpenSeadragon
