| e-texts navigator |
| Wylie |
40b1 རྣམས་བྱང་ཆུབ་སེམས་སུ་བསྒྱུར།། ཐ་མལ་ཞེན་པ་དག་པར་བྱས།། སེམས་ཉིད་རྫོགས་པའི་ཐིག་ལེར་བརྟག། བརྗོད་པ་སྒྲ་ཚིག་བར་གྱི་བརྡས།། བརྗོད་བྲལ་ཡུལ་མེད་ཕྱག་རྒྱ་ཡིས།། སྒྲོ་སྐུར་བསམ་པ་ཀུན་བཅད
40b2 པའི།། སེམས་ཉིད་ཆོས་ཉིད་དོན་དུ་བསྒྱུར།། བརྗོད་པའི་ཚིག་སྒྲ་ཐ་མའི་བརྡས།། ཐུན་མོང་ཆོས་ཉིད་ཞེན་བཅད་ནས།། རྟག་སྟོང་བདེ་མཆོག་ཕྱག་རྒྱས་བཏབ།། ཆོས་ཉིད་བདེ་བ་ཆེན་པོར་སྤྲད།། དཀྱིལ་འཁོར
40b3 གསུམ་ལ་འཇུག་པ་ཡི།། སྐད་ཅིག་གསུམ་ལྡན་གང་ཟག་གིས།། དུས་གཅིག་ཕྲད་པའི་དོན་གྱི་ལམ།། མ་ཡེངས་རྙོག་མེད་ཆོས་ཉིད་ཀློང་།། མཐའ་ཐུག་མེད་པར་རང་བཞིན་གཞན།། སྙིང་པོ་རང་བྱུང་རྫོགས་པ
40b4 ལ།། མ་ལུས་ཡེ་ཤེས་རྫོགས་པར་མཐོང་།། དྲི་མེད་རང་བྱུང་ཨ་ར་ལི།། སྙིང་པོ་རྫོགས་པའི་ནམ་མཁར་གཅིག། ནམ་མཁར་འགྲོ་བའི་ཡེ་ཤེས་ཉིད།། ཨ་ར་ལི་ཞེས་གྲགས་པ་སྟེ།། བསྒྲིབས་པ་མེད་ཅིང་རྙོག་པ
40b5 མེད།། ནམ་མཁའི་དྲི་མེད་ལྟ་བུར་གཟུང་།། རྟོག་སྤྱོད་ཞི་བས་ནམ་མཁའི་ལམ།། དྲི་མེད་སེམས་ཀྱི་ནམ་མཁའ་ལ།། བདེ་ཆེན་རིག་པས་ཁྱད་པར་འཕགས།། རྫོགས་དང་ཁྱབ་དང་སྟོང་གནས་དང་།། བསམ་མེད
40b6 བསམ་མི་ཁྱབ་སྦྱོར་བ།། རྫོགས་པ་དྲི་མེད་སྙིང་པོ་ལ།། རྙོག་པའི་དྲི་མ་རང་བཞིན་དག། རང་གསལ་ཡུལ་ལ་མི་རྟོག་པས།། རང་རིག་སྙིང་པོ་ཉི་མ་ཤར།། ཕྱོགས་རིས་མེད་པའི་ཡེ་ཤེས་འོད།། རང་བཞིན་ཀུན་ཏུ
iiif viewer powered by OpenSeadragon
