| e-texts navigator |
| Wylie |
40a1 བྱ།། དང་པོ་གླེན་པའི་སྤྱོད་པ་བྱ།། དེ་ནས་བག་ཡངས་རྒྱལ་པོ་ལྟར།། སྨྱོན་པའི་སྤྱོད་པ་གཟའ་གཏད་མེད།། རང་བྱུང་ཐབས་ཀྱི་སྤྱོད་པ་ཡིས།། དང་པོའི་དུས་སུ་སྦྱོར་བར་བྱ།། རྙོག་པའི་དུས་སུ་སྤྱོད
40a2 ལམ་ཉིད།། འཕྲ་མེན་རིགས་བྱེད་ངེས་པ་བསྟན།། འདི་ལྟར་རྗེས་སུ་གསུང་བ་ཡིན།། མ་བཙལ་བ་དང་མ་ཡེངས་པ།། མི་འཇུག་པ་ཉིད་གཅེས་པ་ཡིན།། མི་བདེན་གང་དགར་བཞག་པའི་སེམས།། མ་བྱས་རང
40a3 བཞིན་རྫོགས་པར་ལྡན།། དུས་མཐའི་ཆ་ལ་མངོན་པར་རྟོགས།། ཨ་ནི་མ་སྐྱེས་ཆོས་ཀུན་སྟོང་།། ར་ནི་ཆགས་པ་བདེ་མཆོག་སེམས།། ལི་ནི་རང་རིག་ཡེ་ཤེས་ཉིད།། གཅིག་ལ་གསུམ་རྫོགས་ལྷུན་གྱིས་གྲུབ།། ངོ
40a4 མཚར་ཆོས་སྐུ་ཨ་ར་ལི།། རྙོགས་མེད་ཡེ་ཤེས་དྲངས་མའི་ཡིད།། ཉི་མའི་དཀྱིལ་ལྟར་གནས་པ་ཡི།། ཐབས་ཀྱིས་བསྟན་པས་སེམས་ཀྱིས་རྟོགས།། སྐལ་ལྡན་ཅིག་གི་དོན་དུ་གསུངས།། ཨ་ར་ལི་རྙོག་པ་མེད་པའི
40a5 རྒྱུད་ལས།། ཡེ་ཤེས་ངོས་བཟུང་བ་དང་རྙོག་པ་སེལ་བའི་ལེའུ་སྟེ་གསུམ་པའོ།། །། དེ་ནས་རིག་པའི་རྒྱལ་པོ་ཉིད།། མ་བཅོས་རྫོགས་ཆེན་རང་བཞིན་ཉིད།། ཆོས་རྣམས་འདུས་པའི་སྙིང་པོ་ཡིན།། རིན་ཆེན
40a6 འཕྲུལ་གྱི་ཁྱད་པར་གྱིས།། གཅིག་དོན་རྟོགས་པས་ཀུན་དོན་རྟོགས།། བདེ་ཆེན་རོལ་པ་ཉིད་དུ་ཤར།། རིན་ཆེན་འཕྲུལ་གྱི་ལྡེ་མིག་གིས།། བརྟག་པའི་ཞེན་པ་རྣམ་པར་བཟློག། བརྗོད་པའི་ཚིག་གི་དང་པོ་ལ།། ཆོས
iiif viewer powered by OpenSeadragon
