| e-texts navigator |
| Wylie |
3b1 མེད་ལ།། ཆོས་ཉིད་དོན་དམ་ལྷག་པའི་གནས་ཞེས་བཤད་པའང་མེད།། བྱང་ཆུབ་ལམ་དེ་རྟོགས་པས་བརྟགས་པས་ཐོབ་པ་མེད།། བྱང་ཆུབ་ལམ་ཆེན་ཚིག་གི་མཐའ་ལས་འདས།། འདི་དང་སངས་རྒྱས་འདྲེས
3b2 པས་ཐམས་ཅད་མཁྱེན།། མི་བྱེད་བཞུགས་ཕྱིར་བསམ་པ་ཀུན་དང་བྲལ།། དེ་ཉིད་དེ་བཞིན་ཉིད་དུ་བཞུགས་པ་ཡིན།། ཅེས་གསུངས་སོ།། བྱང་སེམས་ཐིགས་པ་ཕྱི་མའི་རྒྱུད་ལས།། རྟོག་མེད་ལམ་གྱི་ཐིགས་པ
3b3 སྟེ།། ཐིགས་པ་བཞི་པའོ།། །། དེ་ནས་ཡང་སྟོན་པས། འཁོར་རྣམས་ལ་གསུངས་པ། ལམ་མེད་ལམ་དུ་ཞུགས་ན་འཁྲུལ་པས་ནད་ཆེ་སྟེ།། བཙལ་བར་འདོད་པས་རི་དྭགས་སྨིག་སྒྱུ་སྙེགས་པ་འདྲ།། རྙེད་པའི་ཡུལ
3b4 མེད་བཙལ་བས་དེ་མི་འབྱུང་།། གང་ལའང་མ་འགགས་ཡེ་ཤེས་དབྱིངས་ལས་འདས།། ས་བཅུར་ལྟོས་པས་གནས་ཀྱང་བླ་མེད་ཉིད་ལ་སྒྲིབ།། དེ་ཕྱིར་དད་པས་བརྩོན་ལ་བསྒོམ་པར་བྱ།། མི་བཏང་རང་བཞིན་དྲན
3b5 པ་ཤིན་ཏུ་བསྐྱེད།། མི་གཡོ་རང་བཞིན་གནས་པས་སྨན་ཆེན་མ་བྱས་ན།། མཐོ་རིས་བགྲོད་པའི་རྒྱུད་པས་ཉོན་མོངས་སླར་ཟིན་འགྱུར།། ཞེས་གསུངས་སོ།། བྱང་སེམས་ཟིགས་པའི་རྒྱུད་ལས། མི་གཡོ་སྒོམ
3b6 པའི་ཐིགས་པ་སྟེ། ཐིགས་པ་ལྔ་པའོ།། །། དེ་ནས་ཡང་སྟོན་པས། འཁོར་རྣམས་ལ་གསུངས་པ།། ལམ་མེད་ལམ་ཆེན་འདོད་པས་འབྲས་བུ་མི་རྙེད་དེ།། ཆུས་གདུངས་གླང་ཆེན་སྨིག་སྣུ་ཆུ་སྙེགས
iiif viewer powered by OpenSeadragon
