| e-texts navigator |
| Wylie |
39b1 ནར་བཞག་པ་ཡིན།། ཐམས་ཅད་ཡེ་ཤེས་གསལ་བའི་ཚེ།། བཞེད་དུ་བྱས་པའི་ཞི་བ་ཡིན།། རོལ་པ་སྣང་ལ་མི་གཡོ་བ།། ངོས་གཟུང་མ་ཡིན་ཕྱོགས་རིགས་མེད།། ཐམས་ཅད་མ་འདྲེས་མཁྱེན་པའི་ཚེ།། རང་བཞིན
39b2 རྙོག་པའི་ཞི་བ་ཡིན།། བདེ་བ་ཆེན་པོ་གཉིས་མེད་པ།། རང་རིག་ཡེ་ཤེས་གཅིག་ཏུ་འབྲེལ།། བར་མའི་སེམས་དེ་བསྟན་དུ་མེད།། བཏང་སྙོམས་རྙོག་པ་སེལ་བ་ཡིན།། རང་རིག་ཡེ་ཤེས་སྐུ་གསུང་རྫོགས།། རྟོག་མེད
39b3 མ་བཅོས་ཆོས་ཀྱི་སྐུ།། བདེ་ཆེན་ཉམས་མྱོང་ལོངས་སྤྱོད་རྫོགས།། ཡེ་ཤེས་རོལ་པ་སྦྲུལ་སྐུ་ཡིན།། རང་རིག་བདེ་ཆེན་ཕྱག་རྒྱ་ཡིས།། བཏབ་པ་མེད་པར་ལྷུན་གྱིས་རྫོགས།། ཇི་ལྟར་གཉིས་སྣང་འཛིན་པའི་ཡིད།། ཡེ
39b4 ཤེས་གཅིག་ཏུ་རང་སྣང་བ།། དྲི་མ་དུས་གཅིག་ཆད་པ་ཡིན།། ཐོ་རངས་ཐུན་མཐའ་དང་པོའི་ཚེ།། ཆ་མཉམ་རྙོག་པ་ཀུན་གསལ་ཏེ།། ལུས་གསུམ་ལྡན་པར་རྫོགས་པ་ཡིས།། མ་བཙལ་མ་རྙོག་ཆུ་བཞིན་དུ།། མ
39b5 བཅོས་བདེ་ཆེན་དྲན་པར་བཞག། མཚན་མའི་འདུ་ཤེས་གང་བྱུང་བ།། ཡེ་ཤེས་རྫོགས་པ་ཉིད་དུ་ལྟ།། ཡེངས་པ་མེད་པའི་རབ་ཞི་བ།། རྩོལ་བའི་དྲི་མ་རྣམ་པར་དག། རིན་ཆེན་གསལ་བའི་འོད་ཀྱིས་ཁྱབ།། རང
39b6 རིག་ཡེ་ཤེས་འོད་གསལ་གྱིས།། མ་ལུས་ཡེ་ཤེས་སྙིང་པོར་གསལ།། རྙོག་པ་མེད་པའི་དུས་ཉིད་དང་།། མ་བཙལ་ལྷན་གྱིས་གྲུབ་པའི་དུས།། རོལ་པ་ཕྱོགས་མེད་ཤར་བའི་དུས།། ངེས་པར་རྟགས་དེ་ཟིན་པར
iiif viewer powered by OpenSeadragon
