| e-texts navigator |
| Wylie |
38b1 ན།། ཞེན་འཛིན་ཟེར་ཟུག་ཉིད་དུ་ལྟ།། བེམས་པོ་ཡེ་ཤེས་རིག་མེད་པས།། དེ་ཉིད་མྱོང་མེད་ཉིད་དུ་འགྱུར།། གཉིས་ལ་གཉིས་མེད་ཆད་པ་དང་།། ཡེ་ཤེས་མེད་པས་ནམ་མཁའ་ཉིད།། བདེན་བྲལ་བཏང་སྙོམས་ཉིད
38b2 དུ་འགྱུར།། འདི་ཡང་ལོག་པའི་ཤེས་པ་ཡིན།། གསུམ་ལ་གཉིས་པའི་ཆོས་མེད་ན།། རྣལ་འབྱོར་སྤྱོད་པར་ལྟུང་བ་དང་།། ཡང་དག་ཉིད་དུ་གྲུབ་པ་དང་།། བདེ་ཆེན་བྲལ་བའི་སངས་རྒྱས་ཉིད།། ལོངས་སྤྱོད་མེད་པས
38b3 བཏང་སྙོམས་འགྱུར།། བདེ་ཆེན་རིག་པའི་ངོ་བོ་ལ།། ལུས་གསུམ་དུས་གཅིག་རྫོགས་པས་ན།། འབྲས་བུ་མ་བཙལ་ལྷུན་གྱིས་རྫོགས།། དྲངས་པའི་དུས་དང་སྙིགས་པའི་དུས།། འཕྲ་མེན་ངོས་འཛིན་མན་ངག
38b4 བསྟན།། རྟེན་དང་བཅས་རུང་མ་བཅས་རུང་།། ཐམས་ཅད་སྙིང་པོར་ཐིམ་པའི་ཕྱིར།། བདེ་མཆོག་བྱང་ཆུབ་སེམས་ཀྱིས་སོ།། བདེ་ཆེན་རིག་པའི་ཀློང་དུ་འཁྱིལ།། རྟེན་པ་ལས་ཀྱི་རླུང་ཟིན་ན།། གཉིས་མེད་རིག་པ
38b5 འཆར་བར་འགྱུར།། མ་རྟོགས་བསམ་པ་ཐ་དད་ཀྱང་།། འདི་ཡང་རང་རིག་ཡེ་ཤེས་ཡིན།། བསྐྱོད་པ་རླུང་གི་ཕྱག་རྒྱ་ཡིས།། རིན་ཆེན་ཕུང་པོ་རྩི་བསྐྱོད་པ།། བཅོས་མར་ངོས་བསྟན་རྣལ་འབྱོར་ཉིད།། མ་བཅོས
38b6 གསང་བའི་རང་བཞིན་ཡིན།། ཕྱག་རྒྱ་ཆེན་པོ་སྤངས་རྒྱུད་སྦྱོར།། བདེ་ཆེན་ཀླུངས་སུ་ཞུགས་པ་ཉིད།། རྩེ་ནས་རྩེ་རུ་ཤར་བའི་འོད།། ནམ་མཁའ་ཁྱབ་པའི་འོད་དུ་འབར།། འདི་དག་སྨན་པའི་སྦྱོར་བ་ཡིས།། དམན
iiif viewer powered by OpenSeadragon
