| e-texts navigator |
| Wylie |
37b1 གྱིས།། རེ་དོགས་མཚན་མའི་འབྱུང་འཇུག་གིས།། སྐུ་གསུང་ལྷུན་རྫོགས་དོན་དང་འགལ།། བདེ་ཆེན་ལོངས་སྤྱོད་དོན་བྲལ་ན།། བཏང་སྙོམས་དབུ་མར་དོན་གོལ་ནས།། ཡེ་ཤེས་ལོངས་སྤྱོད་མི་མྱོང་ཞིང་།། བདེ་བ
37b2 ཆེན་པོ་སྲོག་དང་བྲལ།། སྟོང་ཆེན་མི་གནས་རྒྱ་མེད་ན།། རྗེས་ཆགས་འཇིག་རྟེན་ཉིད་དུ་འགྱུར།། སྟོང་གསུམ་བྲལ་བའི་ཐབས་མེད་ན།། རྟག་ཆད་དབུ་མའི་མཐའ་མི་སེལ།། བདེ་ཆེན་རང་རིག་མི་རྟོག་པ།། མི་རྩོལ
37b3 གཡོ་མེད་ཅི་དགར་གནས།། ལུས་ངག་སེམས་ཀྱི་བྱ་བ་ཀུན།། དྲངས་མའི་ཆུ་ལྟར་མ་རྙོགས་གསལ།། རྫོགས་པའི་ཡེ་ཤེས་ཀློང་དུ་ཐིམ།། ལྷུན་གྱིས་གྲུབ་པའི་དོན་ལ་འཇུག། ཐམས་ཅད་རང་སེམས་གཉིས་མེད
37b4 ན།། རྙོག་པའི་དྲི་མ་ཀུན་གྱིས་སྟོང་།། རང་བཞིན་དག་པའི་སེམས་ཉིད་ལ།། སྒོམ་པ་སླད་ཕྱིར་སྒོམ་མི་བྱ།། ཐབས་ལས་བྱུང་ཡང་གཞན་མིན་པས།། གཞན་གྱིས་བསལ་ཡང་རང་ལ་རྫོགས།། མ་རྙོགས་དང་མའི
37b5 བརྙན་མ་ལྟར།། གསལ་ཡང་འདུ་ཤེས་ཀུན་དང་བྲལ།། བདེ་ཆེན་ཉམས་མྱོང་རྗེས་སུ་དཔགས།། ནམ་མཁའི་ཁམས་དང་རབ་མཉམ་པའི།། བདེ་བ་མཆོག་གི་དོན་ལ་ཞུགས།། བདེ་ཆེན་རིག་པའི་རྒྱས་ཐེབས
37b6 ན།། རྟོག་པའི་ཟུག་རྔུ་གཡོ་མི་འགྱུར།། རང་རིག་རང་བྱུང་གསང་བའི་ཉམས།། གསལ་བར་ཤེས་ཤིང་རིག་པས་གོ། རྒྱུ་བ་མེད་དེ་མངོན་པར་རྟོགས།། སྣང་སྲིད་ཡེ་ཤེས་རང་གསལ་བས།། ཇི་བཞིན་རིག་པའི་ངོ་བོ
iiif viewer powered by OpenSeadragon
