| e-texts navigator |
| Wylie |
37a1 བཞིན་ལྟར།། གསལ་ལ་དམིགས་འཇུག་སྤངས་པའོ།། འཇིག་རྟེན་ལོག་པའི་བསམ་གཏན་པ།། ཀུན་ཀྱང་དྲངས་མའི་བློ་དང་བྲལ།། མ་བཅོས་རྫོགས་པའི་རང་བཞིན་ལས།། དུང་ལས་སེར་པོར
37a2 འཛིན་པ་ལྟར།། རྙོག་པ་གསུམ་གྱིས་རྙོགས་པ་ལས།། རང་གསལ་རྙོགས་པའི་འདམ་དུ་བྱིང་།། རྫོགས་པའི་དོན་ལ་གཉིས་མེད་ན།། བརྙོགས་པའི་བློ་ཡིས་གཉིས་སུ་ཕྱེ།། རྙོགས་པས་རྙོགས་པར་ལོང་བཏགས
37a3 པས།། འཁོར་བ་ཐོག་མཐའ་མེད་པར་གནས།། ཀུན་ཀྱང་རྙོག་མེད་ཆོས་ཀྱི་དབྱིངས།། དྲི་མེད་གསལ་བའི་བདེ་ཆེན་པོ།། རང་རིག་མ་བཅོས་བསམ་མི་ཁྱབ།། དངས་མའི་ཆུ་ལྟར་རང་བཞིན་གནས།། ཆུ་དེ་རྙོག་པའི
37a4 རང་བཞིན་ནམ།། རྙོག་པ་ཆུ་ཡི་རང་བཞིན་ནམ།། ཐ་དད་ཡིན་ནམ་མ་ཡིན་ཆ།། རྟོགས་པའི་ངོ་ལ་ཆུ་རྙོག་ཅིང་།། ཡེ་ཤེས་རྟོགས་པའི་རྣལ་འབྱོར་ལ།། དེ་ཉིད་དེ་ཡི་རང་བཞིན་ཏེ།། མི་མཁས་བློ་ལ་ཐ་དད
37a5 སྣང་།། རྟོགས་པའི་བློ་ལ་གཉིས་སུ་མེད།། རྟེན་མེད་བདེ་ཆེན་ཆགས་མཆོག་ཉིད།། རྒྱས་བཏབ་ཡེ་རྫོགས་བརྟེན་པར་གནས།། མི་མཁས་རྟེན་བཅས་བདེ་མཆོག་ལ།། དང་པོ་དེ་ལྟར་གོམས་ནས་ནི།། ཕྱི་ནས་རྫོགས
37a6 པ་ཉིད་དུ་འགྱུར།། སྟོང་དང་བདེ་ཆེན་གཉིས་མེད་པས།། སྐལ་ལྡན་རྒྱལ་སྲས་ཐུགས་ལ་བཏབ།། འདའ་མེད་མི་གཡོ་བརྟན་པར་གནས།། སྐུ་གསུང་རྫོགས་པའི་དོན་མེད་ན།། རྩོལ་སྒྲུབ་དཀའ་ཐུབ་ཐབས་ཆེན
iiif viewer powered by OpenSeadragon
