| e-texts navigator |
| Wylie |
36b1 གསུང་ཐུགས་ཤར་མུ་ཁྱུད་དཀྱིལ།། རྣམ་པར་དག་པས་བྱང་ཆུབ་རྒྱུ།། འགྲོ་བའི་ལམ་ཆེ་ནམ་མཁའ་དབྱིངས་ཉིད།། ཐིག་ལེ་ཡེ་ནས་རྡོ་རྗེ་དབྱིངས།། ཐིག་ལེ་ཉིད་པས་འདུ་འབྲལ་མེད།། དེ་བས་ཐིག་ལེ་བདལ་བའི
36b2 དབྱིངས།། བདལ་བ་ཉིད་ན་ནུབ་པ་མེད།། བྱང་ཆུབ་སེམས་ཀློང་ཡངས་པའི་དཀྱིལ་འཁོར་རྫོགས་སོ།། །། @#།། རྒྱ་གར་སྐད་དུ། ཨ་ར་ལི་དྲི་ཀུ་ཤ་ན་ཧི་ཏན་ཏྲ་ན
36b3 མ།། བོད་སྐད་དུ།། ཨ་ར་ལི་རྙོག་པ་མེད་པའི་རྒྱུད་ཅེས་བྱ་བ།། དཔལ་རྡོ་རྗེ་འཛིན་པ་ཉིད་ལ་ཕྱག་འཚལ་ལོ།། འདི་སྐད་བཤད་པའི་དུས་གཅིག་ན།། རང་བྱུང་རིག་པའི་རྒྱལ་པོ་ཉིད།། སངས་རྒྱས་ཀུན་གྱི་བདག
36b4 ཉིད་དེ།། ཟབ་མོ་རྙོག་པ་མེད་པའི་སྐུ། ལྷུན་གྱི་གྲུབ་པའི་ངོ་བོ་ཉིད།། རིག་པ་ལྷུན་གྲུབ་གཞལ་ཡས་ཁང་།། དཔག་མེད་རྒྱལ་བའི་གནས་ཆེན་ན།། རང་བཞིན་རྙོག་པ་ཡོད་མེད་ཀྱིས།། རྒྱལ་བ་ཀུན་དང་ལྷན་ཅིག
36b5 བཞུགས།། དེ་ནས་རིག་པའི་རྒྱལ་པོ་ཉིད།། རྣམ་དག་བདེ་ཆེན་ཀུན་བསྒྲལ་ཕྱིར།། ཀུན་འདུས་རང་རིག་རྣམ་པར་དག། ཟབ་མོ་རྫོགས་ལུང་གཉིས་སུ་མེད།། ཇི་སྙེད་ཆོས་ཀྱི་རྣམ་གྲངས་ཀྱི།། སྙིང་པོ་གཅིག་ཏུ
36b6 རྫོགས་པའི་ལུང་།། རིན་ཆེན་ཆུ་ཟླ་ཇི་བཞིན་ལྟར།། ཨ་ར་ལི་སྟེ་བདག་ཉིད་ཆེ།། རྫོགས་པ་མཁའ་ལ་འགྲོ་བའི་མཆོག། རྙོག་པ་ཀུན་བྲལ་ཡེ་ཤེས་ལུང་།། སྒོ་དང་སྐུར་པ་རྣམ་པར་གཅོད།། དྲི་མེད་ནམ་མཁའི་རང
iiif viewer powered by OpenSeadragon
