| e-texts navigator |
| Wylie |
36a1 ཅིང་ཅི་སྤྱད་ཀྱང་།། ཐིག་ལེ་ཉིད་པས་སྤང་དུ་མེད།། འདོད་ཆགས་ཞེ་སྡང་གཏི་མུག་ཀྱང་།། སྤང་དུ་མེད་པས་བདག་གི་རྒྱུད།། གཏི་མུག་ཉིད་པས་བསམ་དུ་མེད།། རྣམ་གྲངས་ཉིད་པས་དབྱིངས་ཉིད
36a2 ཀློང་།། གཟུགས་རྣམས་མེད་པས་བྱང་ཆུབ་སྐུ།། ཐིག་ལེ་ཡེ་ནས་དམ་ཚིག་གསང་།། དམ་ཚིག་མིང་དུ་བཏགས་པ་མེད།། འཆི་བ་མེད་པས་བདུད་རྩི་དབྱིངས།། ཁྱད་པར་ཉིད་ལས་ཡེ་ཤེས་ཆེ།། རི་རབ་རྩེ་ལ་ཉི
36a3 མ་སྟོང་ཤར་བས།། ཡེ་ཤེས་ཐུགས་ཀྱི་ཉི་མ་ཤར་རོ།། ཤར་བ་ཉིད་ན་ནུབ་པ་མེད།། སྒོམ་པ་ཉིད་པས་སྒོམ་དུ་མེད།། སྒོམ་པ་དམིགས་སུ་མེད་པའོ།། སྒོམ་པ་གཞན་ནས་ཆོས་མི་རྙེད།། རྡོ་རྗེ་རིན་ཆེན་འབར་བ
36a4 ལྟར།། ཐམས་ཅད་ཀུན་ཀྱང་དེ་བཞིན་ནོ།། འགྱུར་བ་མེད་པས་བལ་ནག་བཞིན།། བསྒྱུར་དུ་བཏུབ་པས་བལ་དཀར་བཞིན།། བརྟགས་ན་བལ་ནག་ཉིད་ཀྱི་དབྱིངས།། ལྷུན་གྱིས་གནས་པས་གོ་འཕང་ཆོད།། གདོད
36a5 ནས་དག་པས་པད་མ་བཞིན།། འགྱུར་བ་མེད་པས་ཐིག་ལེ་བདེ།། བྱ་བ་མེད་པས་ཐིག་ལེ་བདེ།། དུས་གསུམ་མེད་པས་ཐིག་ལེ་བདེ།། བཙལ་དུ་མེད་པས་ཐིག་ལེ་བདེ།། བཙལ་བར་འདོད་པས་དབྱིངས་མི
36a6 བསྐྱོད།། དྲ་བ་ཉིད་པས་མུ་ཁྱུད་བདེ།། ཐིག་ལེ་ཉིད་པས་ཐིག་ཕྲན་བདེ།། རྩེ་རྒྱལ་རྟོགས་ན་གནས་ཆེན་བདེ།། ཐོགས་མེད་ཡོངས་སུ་སྦྱངས་པའི་བྷ་ག་ལ།། དབྱེར་མེད་ལྷུན་རྫོགས་ཐིག་ལེ་དབྱིངས་ཉིད་ཆེ།། སྐུ
iiif viewer powered by OpenSeadragon
