| e-texts navigator |
| Wylie |
35b1 དཔལ་མངོན་རྫོགས་རྒྱལ་པོ་ལ་ཕྱག་འཚལ་ལོ།། མི་གནས་བདེ་བའི་དཀྱིལ་འཁོར་ལ།། རྩེ་ལ་རྒྱ་གྲམ་འཕྲ་བཀོད་པས། ཁ་དོག་སྣ་ཚོགས་སོ་སོར་གསལ།། ཐིག་ལེ་ཆེན་པོ་མདོར་འབྲེལ་བ།། གནས
35b2 བཞི་འཛིན་པའི་ས་བོན་ལས།། ཕབ་པའི་འོད་ཆེན་འཕྲོ་འདུ་ཡིས།། འབུར་བཞི་མཛེས་ལྡན་རྒྱུད་བསྐུལ་བས།། བར་གྱི་ས་བོན་འོད་ལ་བསྡུ།། དེ་ནས་རིག་པ་ཧཱུཾ་ལས་གཟུང་།། ཧཱུཾ་ཉིད་ས་ཡི་ལམ་ཞུགས་ཏེ།། འོད
35b3 ཀྱིས་འཇིག་རྟེན་ཁེངས་པར་སྤྲོས།། མྱ་ངན་ལས་འདས་པའི་སྒྲོན་མ་རྫོགས་སོ།། །། @#།། སྡེ་རྒྱུད་ཆེན་པོ་བཞི་ཡི་གང་ལ་ཡང་།། གསང་བར་ཐུགས་ཀྱི་དགོངས་པ་སྟེ།། དུས་ཕྱིས་ལུས
35b4 པར་གཟིགས་ནས་མ་བསྟན་ཏོ།། རྒྱུད་ཆེན་པོ་བཅུ་བདུན་ཡོད་པར་གྲགས་པ་ལས་ཕལ་ཆེར་སྣང་བ་ནི།། འགའི་སྤྱོད་ཡུལ་ཙམ་སྟེ།། བདེ་བྱས་སྡུག་བསྔལ་དབྱིངས་ཕྱུག་བྷ་ག་ལ།། དབྱེར་མེད་ལྷུན་རྫོགས་དབྱིངས
35b5 ཉིད་ཆེ་སྐྱེད་པ།། མི་འདའ་ཡེ་ཤེས་རིན་པོ་ཆེ།། བྱ་བ་མེད་པས་ལྷུན་རྫོགས་ཐིག་ལེ་ཆེ།། ཐམས་ཅད་མ་འགགས་དབྱེར་མེད་བདག་གི་རྒྱུད།། སྐྱེ་མེད་དབྱིངས་ལས་ཐམས་ཅད་སྐྱེས།། དོན་དམ་ཉིད་དུ་སེམས་དཔའ
35b6 ཆེཚེ།། བསྒྲུབ་ཏུ་མེད་པས་ཡེ་ནས་གནས།། བཙལ་དུ་མེད་པས་མངོན་སུམ་དབྱིངས།། སྨོན་དུ་མེད་པས་རང་ལ་རྫོགས།། ཐ་སྙད་མེད་པས་རྣལ་འབྱོར་བདག། གོ་འཕང་ཆོད་པས་ཀུན་གྱི་དབྱིངས།། ལས་རྣམས་སྤྱད
iiif viewer powered by OpenSeadragon
