| e-texts navigator |
| Wylie |
35a1 ནས་སུ།། ཆོས་རྣམས་གཅིག་དུ་འདུས་པའི་དོན།། མངོན་རྫོགས་རྒྱལ་པོས་བཤད་དུ་གསོལ།། ཞེས་གསོལ་བ་དང་།། དེ་ནས་བླ་མེད་ཧེ་རུ་ཀ་ཡབ་ཡུམ་གཉིས་པོས།། དགྱེས་པའི་འཕྲོ་འདུ་མཛད་པ
35a2 དང་།། ཡབ་ཡུམ་གཉིས་སུ་མེད་པར་གྱུར་ཏེ།། དགྱེས་པའི་ཡེ་ཤེས་ཀྱི་མདངས་ཀྱིས།། ཐིག་ལེ་ཆེན་པོ་ལ་བཞེངས་ཏེ།། ཆོས་ཐམས་ཅད་ཀྱི་དོན་གཅིག་ཏུ་འདུས་པར་རྡོ་རྗེའི་ལྗགས་བརྐྱང་སྟེ་བཀའ་སྩལ་པ།། ཆོས
35a3 རྣམས་ཐམས་ཅད་ཅིར་བསྟན་ཀྱང་།། ཡང་དག་དོན་ནི་གཅིག་ཏུ་འདུས།། ལྔ་ཕུང་ཡན་ལག་གཅིར་བསྟན་ཀྱང་།། བརྒྱ་ཕྲག་སྟོང་གི་འཇིག་རྟེན་ན། ཁམས་གསུམ་ཁྱབ་པའི་ངང་ཉིད་ན།། སྲིད་པའི་འཇིག་རྟེན་རབ
35a4 འབྱམ་ན། ཁམས་གསུམ་ཧེ་ཡི་ངང་ཉིད་ནི།། སྲིད་པའི་ཁྲག་གི་རང་བཞིན་ཉིད།། གླིང་བཞི་བསྐོར་བའི་འཛམ་གླིང་ན།། སྐྱེ་འགྲོ་ཧཱུཾ་གི་ངང་ཉིད་དེ།། འཁོར་བའི་ལམ་ལྔ་སྒོ་བཅད་དེ།། ཐབས་ལ་མཁས་པའི་བྱེ་བྲག
35a5 གིས།། ཐེག་པའི་རིམ་པ་བསམ་ཡས་པར།། གནས་དང་གནས་ཀྱི་ཁྱད་པར་ཡང་།། ས་ཡི་ཁྱད་པར་བཅུ་དང་གསུམ།། གཅིག་ཅེས་བྱ་བའི་དོན་རྟོགས་ན།། ཅི་བྱས་ཅིང་སྤྱད་སྐྱོན་མེད་པས།། སྲིད་པ་བསྒྲལ་ཡང་སྡིག
35a6 མི་ཡོད།། དེ་ཕྱིར་གཅིག་པོ་སྤྱད་མི་རིགས།། འབྲུ་གསུམ་གསེར་གྱི་སྒྲོམ་བུ་ན།། ཤེས་པ་གསུམ་གྱི་བཅུད་བསྡུས་རྒྱལ་པོ་ཁྱོད།། ཉེས་པའི་སྐྱོན་སྤངས་མངོན་རྫོགས་རྒྱལ་པོ་བཞུགས།། ཡེ་ཤེས་རབ་རྫོགས་སོ།།
iiif viewer powered by OpenSeadragon
