| e-texts navigator |
| Wylie |
34a1 གནས།། ཧཱུཾ་ནི་བདེ་ཆེན་ཐུགས་ཀྱི་དབྱིངས།། སྐྱེ་འགག་མེད་པའི་གཡུང་དྲུང་དབྱིངས།། གང་གིས་རྟོགས་པ་རིན་པོ་ཆེ།། རྡོ་རྗེ་སྤུ་གྲི་གནོན་པོ་སྟེ།། གསང་ཆེན་བདེ་བའི་ཐིག་བཏབ་པས།། མ་གོས
34a2 ལམ་ཞེས་བགྲོད་དུ་མེད།། དེ་ཉིད་དུར་ཁྲོད་དཔལ་ཆེན་ཏེ།། ཐུགས་ནི་ཧེ་ཆེན་དཔལ་གྱི་ངོ་བོར་བསྟན།། ཨོཾ་བཛྲ་ཤྲཱི་ཧེ་རུ་ཀ་ཧཱུཾ།། དབྱིངས་དང་མཉམ་པའི་ཚོགས་ལ་ཕྱག་འཚལ་ལོ།། ཨ་ལ་སྤྲོས་ཤིང་བསྡུ་བ
34a3 ནི། གསང་བའི་ཐིག་ལེ་ཉིད་ཀྱི་དབྱིངས།། ནམ་མཁའི་དབྱིངས་ནས་སྦྱིན་བྱུང་སྟེ།། ས་ལས་འབྲས་བུ་སྣ་ཚོགས་སྨིན།། གཅིག་པུའི་ངང་ལས་བསམ་མི་ཁྱབ།། བྱིན་རླབས་ཡོན་ཏན་ཆེན་པོ་འབྱུང་།། ཡོན་ཏན་རིན
34a4 ཆེན་འབྱུང་ལྡན་ཆེ་ཧོ།། གཅིག་གི་ངང་ལས་བསམ་མི་ཁྱབ།། དབྱིངས་ལས་མི་ཞན་ཡོན་ཏན་ཐིག་ལེའི་ངང་།། ཡེ་ནས་དབྱིངས་ཉིད་ཆེ་བའི་ཚུལ།། སྣང་བྱེད་ཉིད་ལ་བྱ་བྱེད་མེད་པར་གནས།། ཡེ་ཤེས་བརྡལ་ཁྱབ
34a5 རིན་པོ་ཆེ།། ཕྱི་མར་གར་འགྲོ་བསྟན་པ་ནི།། རྣམ་ཤེས་སེམས་ཀྱི་རྒྱལ་པོ་ལ།། ཏིང་འཛིན་ཐུགས་ལ་བྱིན་གྱིས་བརླབས།། མི་སྐྱེས་སེམས་ཀྱི་མེ་ལོང་ལ།། མི་འགོག་སྐུ་ཡི་ངོ་བོར་གསལ།། སྐྱེ་འགག་མེད་པའི་ཆོས
34a6 དབྱིངས་ལས།། བདེ་བ་ཆེན་པོའི་འོད་ཟེར་གསལ།། དེ་ཡི་ངང་ལས་ངེས་པའི་དོན།། མངོན་རྫོགས་རྒྱལ་པོའི་དབྱིངས་ལ་རོལ།། བདེ་ཆེན་རྒྱལ་བའི་ཐུགས་ལ་ཤར།། རིན་ཆེན་སྤྲུལ་པ་སྤྲོས་པས་ཁམས་གསུམ
iiif viewer powered by OpenSeadragon
