| e-texts navigator |
| Wylie |
33b1 ཏེ།། རིན་པོ་ཆེ་རལ་གྲིའི་རྒྱུད་གཏད་པའི་ལེའུ་སྟེ་བརྒྱད་པའོ།། །། རིན་པོ་ཆེ་སྣ་ཚོགས་རལ་གྲིའི་རྒྱུད་རྫོགས་སོ།། །། @#།། རིན་པོ་ཆེ་ཤེས་རབ་ཀྱི་རྒྱལ་པོ་ལ་ཕྱག་འཚལ
33b2 ལོ།། ལྔ་ཕུང་ཡན་ལག་ཐམས་ཅད་ནི།། འབྲུ་ལྔ་བཞག་པའི་བྱང་ཆུབ་སྟེ།། ཨོཾ་དང་སྐུ་འདྲར་འབྲེལ་བས་བྱང་ཆུབ་ཉིད་ལས་བྱུང་།། སྤྱི་ནི་བརྗོད་པས་ཐམས་ཅད་མིང་ཙམ་ཡིན་ཏེ་ཨ།། ཨ་ཉིད་མངོན་རྫོགས་རྒྱལ་པོ
33b3 དབྱིངས་ཀྱི་ངང་།། སྐྱེ་འཇིག་ཉིད་ན་ཡི་གེ་ཨ།། དེ་ཉིད་བྱང་ཆུབ་སེམས་ཡིན་ཏེ།། མི་དམིགས་བྱང་ཆུབ་མཆོག་འབྱུང་བའི།། གསུམ་ཆར་ལྔ་འབར་བཅུར་འབྱོར་པའི།། ཟད་མེད་རིན་ཆེན་གཏེར་ཡིན་ཏེ།། མངོན
33b4 ཤེས་དྲུག་ལྡན་མཚན་གསོལ་དཔགས།། དེ་ཉིད་ཕུང་པོ་རྫོགས་པའི་དོན།། གཉིས་མེད་ཡེ་ཤེས་བྱང་ཆུབ་སེམས།། མི་དམིགས་ཡེ་ཤེས་ཐིག་ལེར་གསལ།། སྤྲོས་མེད་ཡེ་ཤེས་ནམ་མཁའི་དབྱིངས།། འགྱུར་མེད་ཡེ
33b5 ཤེས་རྒྱས་པ་ལ།། རྒྱས་འདེབས་ཆེན་པོ་བདག་ཉིད་ཆེ།། ཨ་ཧོ་ཕྱོགས་བཅུ་རྒྱལ་བའི་དཀྱིལ་འཁོར་ཀུན།། དེས་པའི་དོན་བཀྲོལ་བཞི་བཅུ་རྩ་ལྔར་གསུངས།། བསྡུས་པའི་དོན་དུ་ཡེ་ཤེས་འབྲུ་ལྔར་གསུངས།། ལྔ་པོ
33b6 ཉིད་ཀྱང་འབྲུ་གསུམ་ནང་དུ་བསྡུས།། གསུམ་པོ་ཉིད་ཀྱང་ཡི་གེ་ཨར་འདུས་ཏེ།། ཨ་ཉིད་མ་སྐྱེས་མངོན་རྫོགས་ཉིད་ལ་ཐིམ།། དབྱིངས་ཉིད་ཡེ་ནས་རིན་ཆེན་ལུས་ལ་གསལ།། རིན་ཆེན་ལུས་ཉིད་ཡེ་ཤེས་བཅུད་ལ
iiif viewer powered by OpenSeadragon
