| e-texts navigator |
| Wylie |
33a1 སེམས་མ་བཅོས་ཚད་མ་ཅི་ཡང་རུང་།། མ་བཅོས་ངང་གིས་གྲུབ་པ་ལྷ་སྒོམ་མོ།། ཟས་ཀྱི་རྣལ་འབྱོར་མཆོད་སྦྱིན་བྱ་བ་ནི།། སྙིང་པོ་མེད་པའི་ལྷ་ཡི་ལུས་འདི་ལ།། རོ་དང་ལྡན་པའི་ཟས་མཆོག་འདི
33a2 རྣམས་ལ།། རོ་ལ་ཆགས་ཤིང་རྒྱགས་ཕྱར་མི་བཟའ་འོ།། ཁེང་གྲགས་དགའ་ཕྱིར་མི་འགྲོའོ།། རང་ལུས་སྙིང་པོ་མེད་པའི་མཆོག་ཡིན་ཏེ།། བདེ་གཤེགས་ཀུན་གྱི་སྙིང་པོ་མཆོག་ཡིན་ནོ།། བདེ་གཤེགས་མཆོད་བྱ་རང
33a3 གི་ཟས་བཟའ་འོ།། རང་ལ་གནས་པའི་སྲིན་བུ་འབུམ་ཆགས་ལ།། སྲིན་བུ་ལུས་རྒྱས་སྦྱིན་པ་ཆེན་པོར་བསམ།། ཟས་དེ་ཟ་ཡང་རང་བཞིན་མེད་པར་བཞག། ཚོགས་གཉིས་བསག་ཅིང་ལྷ་སྒོམ་ཟས་ཀྱི་རྣལ་འབྱོར་གྱི
33a4 ལེའུ་སྟེ་བདུན་པའོ།། །། སྟོན་པའི་སྟོན་པ་ཀུན་ཏུ་བཟང་པོ་ལ།། སྡུད་པའི་གསང་བདག་རྡོ་རྗེ་སེམས་དཔའ་ཡིས།། རྒྱུད་འདི་གང་ལ་ཇི་ལྟར་གཏད་པ་ཡིན།། སྟོན་པའི་སྟོན་པ་ཀུན་ཏུ་བཟང་པོ་དེས།། ཉིད་ལས
33a5 མི་ཞན་སྡུད་པ་པོ་ལ་གཏད།། སྡུད་པའི་གསང་བདག་རྡོ་རྗེ་སེམས་དཔའ་དེས།། བརྒྱ་བྱིན་ལྷ་ཡི་བུ་ལ་གཏད།། བརྒྱ་བྱིན་ལྷ་ཡི་བུ་དེས་རྒྱུད་ཀྱི་རྒྱལ་པོ་འདི།། ལྷ་དང་མཁའ་འགྲོ་རྣམས་ལ་གཏད།། ལྷ་དང་མཁའ
33a6 འགྲོ་དེ་རྣམས་ཀྱིས།། མཆོད་པའི་རྟེན་དུ་རབ་མཐོང་སྟེ།། རིན་ཆེན་གསེར་གྱི་གླེགས་བམ་ལ།། བཻ་ཌཱུརྱ་ཡི་ཞུན་མས་བྲིས།། རང་བྱུང་མཆོད་རྟེན་དེ་ལ་གཏད།། གསང་བ་གཉིས་སུ་མེད་པའི་འཁོར་ལོ་བསྐོར
iiif viewer powered by OpenSeadragon
