| e-texts navigator |
| Wylie |
32b1 དེ།། ཡིད་ཀྱི་རྣམ་ཤེས་མིང་གི་བདེན་པར་སྒོམ།། ལུས་ངག་ཡིད་གསུམ་ངང་གིས་དུལ་བའི་ཐབས།། ཕྱོགས་བཅུར་མི་འགྲོ་ལྷ་ཡི་ཕྱག་མཚན་སྒོམ།། སྣ་ཚོགས་མི་སྨྲ་གསང་སྔགས་འཁོར་ལོ་བཟླས།། སྣ་ཚོགས་མི
32b2 བསམ་གཉིས་མེད་རིག་པ་སྒོམ།། དེ་ལྟར་བྱས་ན་འབྲས་བུ་ཁམས་གསུམ་སྤངས།། སྐུ་གསུམ་དོན་བྱེད་བདེ་བའི་ཞིང་ཁམས་སྐྱེ།། ལུས་ངག་ཡིད་གསུམ་འདུལ་བའི་ལེའུ་སྟེ་དྲུག་པའོ།། །། སྟོན་པའི་སྟོན་པ
32b3 ཀུན་ཏུ་བཟང་པོ་ལ།། སྡུད་པའི་གསང་བདག་རྡོ་རྗེ་སེམས་དཔའ་ཡིས།། རྩལ་ལས་གྲུབ་པའི་སེམས་ཅན་མ་ལུས་ལ།། དམིགས་མེད་ཚོགས་བསོག་བྱ་བ་ཇི་ལྟ་བུ།། ཟས་ཀྱི་རྣལ་འབྱོར་བྱ་བ་ཇི་ལྟ་བུ།། སྟོན་པའི
32b4 སྟོན་པ་ཀུན་ཏུ་བཟང་པོ་དེས།། ཡུལ་མེད་ལྷ་ཡི་ཚོགས་རྣམས་བསག་པར་ནི།། བདེ་གཤེགས་ཞིང་ཁམས་མ་ལུས་ཐམས་ཅད་ལ།། དམིགས་པ་མེད་པའི་མཆོད་པ་ཆེན་པོར་བསྔོ།། ཤེས་རབ་ཐབས་ཀྱིས་ཟིན་པའི
32b5 མཆོད་པ་ཆེན་པོའོ།། སྣང་བའི་ཡུལ་དུ་བྱས་པའི་སེམས་ཅན་ལ།། ཐུགས་རྗེ་ཕྱོགས་རིས་མེད་པར་ཤེས་བྱས་ལ།། གཉིས་མེད་ངང་གིས་ཕན་པའི་དོན་བྱའོ།། ལྷ་ཡི་རྣལ་འབྱོར་སྒོམ་པའི་རིམ་པ་ནི།། སྟོང་པའི་ངང
32b6 ལས་གསལ་བའི་ལྷར་བསྐྱེད་ལ།། འགྲོ་བའི་དོན་བྱ་ཁ་དོག་ཅིར་ཡང་གསལ།། ཡུལ་དུ་བྱས་ཀྱང་གཡོས་པ་མེད་པར་སྒོམ།། རྒྱུད་ཀྱི་ཉོན་མོངས་ཞི་ན་ལྷ་ཡི་སྐུ་ཡིན་ཏེ།། ཉོན་མོངས་མི་སྐུ་ཁ་དོག་ཅི་ཡང་རུང་།། རང
iiif viewer powered by OpenSeadragon
