| e-texts navigator |
| Wylie |
32a1 ཡིན།། གཡོས་པ་མེད་པ་རྟག་ཏུ་སྒོམ་པར་བྱ།། སྣང་བའི་འཛིན་པ་སྒོམ་པས་ནི།། སྣ་ཡི་རྩེ་ལ་སེམས་ཕབ་སྟེ།། གཡོས་པ་མེད་པར་སྒོམ་པར་བྱ།། ཡུལ་དུ་བྱས་པའི་དམིགས་པ་ལ།། མིང་མི་འདོགས
32a2 པར་རང་དགར་སྒོམ།། སྒོ་ལྔ་རྣམ་ཤེས་རང་སོར་བཞག་པ་སྟེ།། རྟོག་པ་མེད་ན་སྣང་ཡང་སྒོམ་པ་ཡིན།། ནམ་མཁའ་གཡོས་པ་མེད་པ་ལ།། རང་སེམས་གཡོས་པ་མེད་པར་བཞག། སྣང་བ་སྒོམ་པའི་ལེའུ་སྟེ་ལྔ
32a3 པའོ།། །། སྟོན་པའི་སྟོན་པ་ཀུན་ཏུ་བཟང་པོ་ལ།། སྡུད་པའི་གསང་བདག་རྡོ་རྗེ་སེམས་དཔས་སུ།། རྩལ་གྱི་དངོས་པོ་དག་ལ་གྲུབ་པའོ།། ལུས་ངག་ཡིད་གསུམ་དུལ་བའི་ཐབས་ནི་གང་།། སྟོན་པའི་སྟོན་པ་ཀུན
32a4 ཏུ་བཟང་པོ་དེས།། ལུས་ནི་ལྷ་ཡི་ཕྱག་རྒྱ་ཆེན་པོས་འདུལ།། རང་ཉིད་མོས་པ་ལྷ་རུ་གསལ་བ་ལ།། ཕྱག་མཚན་ཆ་ལུགས་ལྷ་བཞིན་དུ།། དངོས་པོར་མ་གྲུབ་འོད་ཀྱི་ཚུལ་དུ་སྒོམ།། འགྲོ་འདུག་སྤྱོད་ལམ་རྣམ་བཞིའི
32a5 དུས་སུ་ཡང་།། གཡོས་པ་མེད་པར་ལྷ་ཡི་ངང་དུ་སྒོམ།། ངག་དེ་བྱང་ཆུབ་སྔགས་ཀྱིས་དུལ་བར་བྱ།། གསང་སྔགས་འཕྲོ་འདུ་གཉིས་མེད་རིག་པ་གཟུང་།། སྣང་གྲགས་ཆོས་ཀྱང་བྱང་ཆུབ་སྔགས་སུ་ཤེས།། སྔགས་ཀྱི
32a6 དབང་ཕྱུག་བདེན་པའི་ལམ་ལ་མཁས།། ངག་གི་བདེན་པ་འགྲོ་བ་འདུལ་བའི་མཆོག། ཡིད་ཀྱི་རྣམ་ཤེས་མིང་ལ་མཁས་པ་དེ།། མིང་མེད་ནམ་མཁའི་ངང་དུ་དུལ་བར་བྱ།། ནམ་མཁའི་ངོ་བོ་མིང་གི་བདེན་པ
iiif viewer powered by OpenSeadragon
