| e-texts navigator |
| Wylie |
31b1 ལ།། སྣ་ཚོགས་སྣང་ཡང་ངོས་བཟུང་མེད་པར་བཞག། སྣ་ཚོགས་གྲགས་ཀྱང་འཚིག་པ་མེད་པར་ཞི།། སྣ་ཚོགས་སྒོམ་ཡང་རྟོག་པ་མེད་པར་བཞག། སྣ་ཚོགས་མྱོང་ཡང་བརྗོད་བྱ་མེད་པར་བཞག། སྣ་ཚོགས་རེག
31b2 ཀྱང་ཞེན་ཆགས་མེད་པར་ཞེ་ན།། སྣ་ཚོགས་རྒྱུ་ཡང་མི་དོགས་མེད་པར་བཞག། སྣང་བ་དངོས་པོ་ཅི་དང་ཅིར་སང་ཡང་།། དེ་ཉིད་ཀ་ན་ཆོས་སྐུ་ངང་དུ་སྒོམ།། རིག་རྟོག་ཤེས་པ་ཅི་དང་ཅི་རྒྱུས་ཀྱང་།། དེ་ཉིད་ཀ་ནས་ཡེ
31b3 ཤེས་ངང་དུ་སྒོམ།། སྣང་བ་རྟགས་པའི་སྒོམ་པ་ཆེན་པོ་ནི།། འཁོར་དང་མྱ་ངན་འདས་པའི་ཆོས་ཀུན་ཡང་།། དེ་རྣམས་མཚན་ཉིད་སྟོང་པའི་རྒྱུ་ཡིན་ཏེ།། སྟོང་པའི་ངང་ལས་མཚན་ཉིད་ཀུན་མ་འདས།། སྐུ་ཡི་རྒྱ་མཚོ།
31b4 ཆུ་ཡི་ཕུང་པོ་ཡང་།། ཐིགས་པའི་ངང་ལས་དེ་ཀུན་ཡོངས་མ་འདས།། ཐིགས་པ་དེ་ཀུན་གཅིག་ཏུ་གྲུབ་པ་མེད།། གླིང་བཞི་རི་རབ་ས་ཡི་དཀྱིལ་འཁོར་ཡང་།། ཕྲ་རབ་རྡུལ་གྱི་དངོས་པོ་དག་ལས་གྲུབ།། ཕྲ་རབ་རྡུལ་གྱི
31b5 ཆོས་ཞིག་ན།། རྡུལ་དེ་དངོས་པོ་གཅིག་ཏུ་གྲུབ་པ་མེད།། ནང་གི་རིག་པ་ཤེས་པའི་རྣམ་པ་ཡང་།། སྣ་ཚོགས་རིག་གི་སྣ་ཚོགས་མི་འདོགས་ཀྱང་།། དངོས་པོ་འདི་ཡིན་བརྟགས་ན་གྲུབ་པ་མེད།། སྣང་གྲགས་ཆོས་ཀྱི
31b6 དངོས་པོ་ཐམས་ཅད་ཀུན།། བརྟགས་ན་ཅིར་ཡང་གྲུབ་པ་མེད་པར་སྒོམ།། སྣང་བ་བསྒྱུར་བའི་སྒོམ་པ་ཆེན་པོ་ནི།། སྣ་ཚོགས་བསྐྱེད་པའི་ཆོས་རྣམས་ཐམས་ཅད་ཀུན།། ཀུན་གཞི་རྣམ་ཤེས་གཡོས་པ་མེད་པ
iiif viewer powered by OpenSeadragon
