| e-texts navigator |
| Wylie |
31a1 གྲུབ།། བདག་གིས་ལས་ཀྱང་འདི་འདྲར་རྣམ་པར་སྒོམ།། ཞེ་སྡང་ལྡང་བའི་སྒོམ་པ་ཆེན་པོ་ནི།། དང་པོ་ཞེ་སྡང་ཁ་ཡིས་བསྒྲུབས།། བར་དུ་འདོད་ཆགས་མ་ཡིས་བསྐྱེད།། ཐ་མར་རང་འདུས་ཞེས་སྡང
31a2 གྲུབ།། ཞེ་སྡང་རང་མཉམ་རྒྱུ་ལས་སྐྱེས།། རང་ཡང་ཕ་མའི་རྩིས་ལས་གྲུབ།། གཞན་ཡང་ཕ་མའི་རྩོག་ལས་གྲུབ།། ངན་པའི་ཡུལ་ལས་ཞེ་སྡང་སྐྱེ་མི་དགོས།། སྐྱེ་བའི་རྒྱུ་མེད་ནང་དུ་སྒོམ་པའོ།། གཏི་མུག་ཆེ་བའི
31a3 སྒོམ་པ་ནི།། ཆོས་ཉིད་མ་གསལ་ཤིན་ཏུ་བྱིང་བ་ལ།། ལུས་ཀྱང་ལེགས་འདུག་སེམས་ཀྱང་གཟེངས་བསྟོད་ལ།། ཆོས་ཉིད་ནམ་མཁའི་ངང་ལ་བློ་བཞག་སྟེ།། ཡེངས་པ་མེད་པའི་སེམས་ཀྱིས་བལྟ་བར་བྱའོ།། ང་རྒྱལ
31a4 ཆེ་བའི་སྒོམ་པའི་གཞག་ཐབས་ནི།། ང་རྒྱལ་རང་གི་ཡོན་ཏན་བརྗོད་པ་སྟེ།། ཡོན་ཏན་མ་ཡིན་རང་གི་སེམས་ཀྱང་ཡིན།། སེམས་དེ་ཡོན་ཡན་བརྗོད་ཀྱང་ཅིར་ཡང་གྲུབ་པ་མེད།། བརྗོད་པའི་སྒྲ་དག་སེམས་ལ་འབྲེལ
31a5 བ་མེད།། འབྲལ་མེད་དང་དུ་རྟག་ཏུ་བསྒོམ་པར་བྱའོ།། ཉོན་མོངས་ལྔ་སྒོམ་པའི་ལེའུ་སྟེ་བཞི་པའོ།། །། སྟོན་པའི་སྟོན་པ་ཀུན་ཏུ་བཟང་པོ་ལ།། སྡུད་པའི་གསང་བདག་རྡོ་རྗེ་སེམས་དཔས་སུ།། སྣང་བ་ཆེར
31a6 ཕྲད་སྒོམ་པ་ཇི་ལྟ་བུ།། སྣང་བ་རྟག་པའི་སྒོམ་པ་གང་ལྟ་བུ།། སྣང་བ་བསྒྱུར་བའི་སྒོམ་པ་ཇི་ལྟ་བུ།། སྣང་བ་འཛིན་པའི་སྒོམ་པ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོས་སུ།། དབང་པོ་དྲུག་གི་ཡུལ་དུ་གྱུར་པ
iiif viewer powered by OpenSeadragon
