| e-texts navigator |
| Wylie |
30b1 ཀུན་གྱི་ཆོས་རྣམས་ལ།། དངོས་ཞན་དངོས་རྟོགས་མི་སྐྱེ་ན།། དངོས་བྲལ་དང་ལ་གནས་པར་བྱའོ།། སེམས་ཉིད་གཞག་པའི་ཐབས་གསུམ་སྟེ།། དངོས་མེད་མཁའ་ལ་གཞག་པ་དང་།། རིག་མེད་སེམས་ལ་གཞག་པ
30b2 དང་།། སྤྲོས་བྲལ་ཡུལ་ལ་གཞག་པའོ།། ཟིན་པའི་ཚད་ནི་རྣམ་གསུམ་སྟེ།། ཚོགས་བརྒྱད་ཡུལ་ལ་བལྟས་ཙམ་ན།། ཡུལ་ལ་མི་འཇུག་ཟིན་པ་ཡིན།། ཚོགས་བརྒྱད་ནང་དུ་བསྡུས་ཙམ་ན།། མིང་མི་འདོགས་ན་ཟིན་པ
30b3 ཡིན།། ཚོགས་བརྒྱད་རང་སོར་གཞག་ཙམ་ན།། གཡོས་པ་མེད་ན་ཟིན་པ་ཡིན།། སེམས་སུ་གཟུང་བའི་ཐབས་ཏེ་གསུམ་པའོ།། །། སྟོན་པའི་སྟོན་པ་ཀུན་ཏུ་བཟང་པོ་ལ།། སྡུད་པའི་གསང་བདག་རྡོ་རྗེ
30b4 སེམས་དཔའ་ཡིས།། ཡན་ལག་རྩལ་སྣང་འཁྲུལ་པའི་སེམས་ཅན་ལ།། རྣམ་རྟོག་ཆེ་བའི་སྒོམ་པ་ཇི་ལྟ་བུ།། འདོད་ཆགས་ཆེ་བའི་སྒོམ་པ་ཇི་ལྟ་བུ།། ཞེ་སྡང་ཆེ་བའི་སྒོམ་པ་ཇི་ལྟ་བུ།། གཏི་མུག་ཆེ་བའི་སྒོམ་པ་ཇི་ལྟ
30b5 བུ།། ང་རྒྱལ་ཆེ་བའི་སྒོམ་པ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་དེས།། རྣམ་རྟོག་ཆེ་བའི་སྒོམ་པ་ཆེན་པོ་ནི།། རྣམ་རྟོག་དབུགས་ཀྱི་རྟ་ལ་རྟེན་པའི་ཕྱིར།། དབུགས་ཀྱི་རྟ་ལ་སེམས་ཉིད་པར་བཏང་ལ།། ཕྱི
30b6 རུ་སྤྲོས་ཡང་མི་གདག་པར་བཞག། ནང་དུ་རྔུབ་ཀྱང་རྟོག་པ་མི་སྐྱེའོ།། སེམས་ཉིད་སྟོང་པ་དབུགས་ཀྱང་སྟོང་པར་སྒོམ།། འདོད་ཆགས་ལྡན་པའི་སྒོམ་པ་ཆེན་པོ་ནི།། འདོད་ཆགས་ཡུལ་ལས་སྐྱེས་པའི་ཕྱིར།། ཡུལ
iiif viewer powered by OpenSeadragon
