| e-texts navigator |
| Wylie |
2b1 པར་ཤེས་ན་སངས་རྒྱས་ཀུན་གྱི་རྗེ།། ཞེས་གསུངས་སོ།། བྱང་སེམས་ཐིགས་པ་ཕྱི་མའི་རྒྱུད་ལས། མཉམ་པ་དོན་གྱི་ཐིགས་པ་སྟེ་ཐིགས་པ་དང་པའོ།། དེ་ནས་ཡང་སྟོན་པས། འཁོར་རྣམས་ལ་གསུངས་པ། མཆོག་ཏུ
2b2 རྨད་བྱུང་ཕྱི་ནང་ཀུན་གྱི་ངང་།། ཡེ་ནས་རྣམ་པར་དག་པའི་སྤྱོད་ཡུལ་ལ།། སངས་རྒྱས་མ་རྒྱས་མེད་དེ་སྐལ་ཅན་དབང་།། བདག་གཞན་བརྟགས་པས་མུ་སྟེགས་འཁྲུལ་པའི་ལམ།། བྱིས་པ་སླུ་ཕྱིར་བྱིས་པའི་ཆོས་ལ
2b3 འཛུད།། ཕྱིན་པའི་དུས་མེད་རྟོགས་པའི་མཐའ་ཡང་མེད། སྟོན་པའི་སྟོན་པ་ནོར་བུ་རིན་ཆེན་བཞིན།། དམིགས་པ་མེད་ཅིང་འགྱུར་བ་མི་བྱེད་པས།། རང་བཞིན་དམིགས་པར་རེ་བ་ཐམས་ཅད་སྐོང་།། བདག་མེད
2b4 གཞན་ནས་མི་འགྱུར་ལེགས་པ་ཆེ།། དྲན་དང་ཤེས་བཞིན་བརྡ་འམ་སྙིང་རྗེས་བསྟན། བླ་མེད་བྱང་ཆུབ་སྙིང་པོ་གྲོལ་བའི་ལམ།། དེ་ལྟ་བུ་ཡི་ཆོས་སྐུ་ཐོབ་པ་མེད།། ཆོས་སྐུ་མེད་ཕྱིར་ཐོབ་བྱའི་ཡུལ་ཡང
2b5 མེད།། སངས་རྒྱས་སེམས་ཅན་ཆོས་སྦྱར་བཏགས་པས་ནོར།། སངས་རྒྱས་གཞན་ནས་ཐོབ་བྱེད་ནོར་པའི་ལམ།། རང་རིག་རྡོ་རྗེ་སེམས་ཉིད་ཆོས་ཀྱི་སྐུ།། ཞེས་གསུངས་སོ།། བྱང་སེམས་ཐིགས་པ་ཕྱི་མའི་རྒྱུད
2b6 ལས།། རྡོ་རྗེ་དོན་གྱི་ཐིགས་པ་སྟེ།། ཐིགས་པ་གཉིས་པའོ།། །། དེ་ནས་ཡང་སྟོན་པས། འཁོར་རྣམས་ལ་གསུངས་པ། ཁྱུང་ཆེན་ནམ་མཁར་ལྡིངས་ཏེ་འགྲོ་བ་བཞིན།། རྡོ་རྗེ་སེམས་ནི་ཅི་ལའང་ཐོགས་པ
iiif viewer powered by OpenSeadragon
