| e-texts navigator |
| Wylie |
29a1 བ་བྱས་ནས།། མདུན་དྲང་པོར་འཁོད་པ་དང་།། ཀྱེ་བཅོམ་ལྡན་འདས་བདག་མཁའ་འགྲོ་མ་རྣམས་ལ་བཀའ་སྩལ་པའི།། རྒྱུད་འདི་ལ་ཇི་ལྟར་གདགས་པར་བགྱི།། ཞེས་ཞུས་པས།། ཐམས་ཅད་དུམ
29a2 བུར་སྟོན་པས་ན།། བསྐལ་པ་དུམ་བུའི་རྒྱུད་དུ་ཟུང་།། དུམ་བུ་ཡེ་ཤེས་རབ་འབར་བས།། དུམ་བུ་འབར་བའི་རྒྱུད་དུ་ཟུང་།། ངོ་སྤྲོད་དངོས་སུ་འབྱིན་པས།། ཐིག་ལེ་རྗེན་སྟོན་རྒྱུད་དུ་ཟུང་།། ཞེས་བཀའ་སྩལ
29a3 པ།། གསང་བའི་བདག་པོ་རྗེས་སུ་ཡི་རང་ངོ་།། རྒྱུད་ཀྱི་རྒྱལ་པོ་བསྐལ་པ་དུམ་བུ་འབར་བའི་རྒྱུད།། མཁའ་འགྲོ་མའི་ལག་ནས་བྱུང་བ་རྫོགས་སོ།། །། @#།། རྒྱ་གར་སྐད་དུ།། རད་ན་བི
29a4 ཤ་ཏིག་སྣ་ཏན་ཏྲ།། བོད་སྐད་དུ།། རིན་པོ་ཆེ་སྣ་ཚོགས་རལ་གྲིའི་རྒྱུད།། བཅོམ་ལྡན་འདས་ལྷུན་གྱིས་གྲུབ་པའི་རྒྱལ་པོ་ལ་ཕྱག་འཚལ་ལོ།། འབྱུང་བ་རྩ་བ་སྟོན་པའི་དུས་དག་ཏུ།། འོག་མིན་ཡངས་ལ་སྣང་བའི
29a5 གནས་དག་ཏུ།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པ་པོ་རྡོ་རྗེ་སེམས་དཔའི་འཁོར་རྣམས་ལ།། བྱ་བ་ལས་ཀྱི་རིམ་པ་འདི་བཤད་དོ།། ཡན་ལག་རྩལ་གྱིས་སྣང་བའི་དངོས་པོ་ལ།། རྒྱུད་དང་འབྲས་བུ་ཐ
29a6 ད་འདོད་པ་ལ།། དགེ་སྡིག་ལས་ཀྱི་འབྲས་བུ་སོ་སོར་བྱེད།། གཉིས་མེད་གཉིས་ཀྱི་དངོས་པོ་སོ་སོར་བཤད།། གླེང་གཞིའི་ལེའུ་སྟེ་དང་པོའོ།། །། སྟོན་པའི་སྟོན་པ་ཀུན་ཏུ་བཟང་པོ་ལ།། སྡུད་པའི་གསང
iiif viewer powered by OpenSeadragon
