| e-texts navigator |
| Wylie |
28b1 གནས་ཏེ།། འགྱུར་བ་འགག་མེད་ཐོགས་མེད་རྩ།། བསྣོལ་མར་འགྲོ་འོང་འཕེལ་འགྲིབ་བྱེད་པ་ཡི།། རུས་སྦལ་འཁར་གཞོང་བཅུག་གི་གདམས་ངག་མང་ཤེས་ན།། རྟག་ཏུ་སྒོམས་ཀྱང་བདེ་བའི་ནད་ཀྱིས
28b2 འཛིན།། མགྲིན་པ་ལོངས་སྤྱོད་རྩ་ལ་རྣམ་པ་བཅུ་དྲུག་ཡོད།། འོད་གསལ་ཟུང་འཇུག་གཉིས་མེད་གསུམ་དུ་འདུས།། སྤྱི་བོ་བདེ་བ་ཆེན་པོའི་རྩ་ནི་སུམ་ཅུ་སོ་གཉིས་ཏེ།། དེ་ཡང་འོད་གསལ་ཟུང་འཇུག་གཉིས་མེད
28b3 གསུམ་དུ་འདུས།། ཞེས་གསུངས་སོ།། བསྐལ་པ་དུམ་བུའི་རྒྱུད་ལས།། སྟོད་ཀྱི་རྩ་རྣམས་འདུས་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་བཀའ་སྩལ་པ།། རང་སྣང་རང་རྒྱུད་བསམ་གྱིས་མི་ཁྱབ་སྟེ།། གཞི་ལ
28b4 ལྷུན་གྲུབ་རྩ་ཡི་གནད་གཅོད་པ།། ཐོགས་པ་མེད་པའི་སྣང་བ་རྒྱས་པ་ཡིན།། ཐིག་ལེའི་སྣང་བ་བསམ་གྱིས་མི་ཁྱབ་སྟེ།། རང་གསལ་ཡན་ལག་འགག་མེད་རྒྱས་པ་ཡིན།། རླུང་གི་སྣང་བ་བསམ་གྱིས་མི་ཁྱབ
28b5 སྟེ།། འགག་མེད་རང་སྣང་ཡན་ལག་གཡོས་པ་ཡིས།། ལམ་གྱི་དུས་སུ་རྩ་རྒྱུད་ཐིག་ལེ་རླུང་།། སྟོད་རྒྱུད་སྨད་རྒྱུད་གཉིས་སུ་ཕྱེ་བ་ཙམ།། འབྲས་བུའི་དུས་སུ་སྐུ་གསུམ་ལྷུན་གྱིས་གྲུབ།། རང་གྲོལ་ཞེན་འདོད་མེད
28b6 པ་འདི་རང་ཡིན།། ཅེས་གསུངས་སོ།། བསྐལ་པ་དུམ་བུའི་རྒྱུད་ལས།། གཞི་ལམ་འབྲས་བུ་ལྷུན་གྲུབ་ཀྱི་ལེའུ་སྟེ་བཅོ་ལྔ་པའོ།། །། དེ་ནས་གསང་བའི་བདག་པོ་དེ་སྟན་ལས་ལངས་ཏེ།། ཕྱག་བཙལ་ཏེ་བསྐོར
iiif viewer powered by OpenSeadragon
