| e-texts navigator |
| Wylie |
28a1 མེད་རྒྱུ་སྟེ་གཏི་མུག་རྩ།། ལྟེ་བ་སྤྲུལ་པའི་འཁོར་ལོ་ལ།། དྲུག་ཅུ་རྩ་བཞིར་གྱེས་པ་ཡང་།། དབུས་ན་གཏི་མུག་འབྱེད་མེད་རྩ།། ཞེ་སྡང་འདོད་ཆགས་མཐའ་རྟེན་ཅན།། གཡས་ཀྱི་ཕྱོགས་ནས་ཞེ་སྡང
28a2 རྩ།། སུམ་ཅུ་རྩ་གཉིས་རྒྱུ་བའོ།། གཡོན་གྱི་ཕྱོགས་ནས་འདོད་ཆགས་རྩ།། སུམ་ཅུ་རྩ་གཉིས་རྒྱུ་བ་ནས།། དྲུག་ཅུ་རྩ་བཞིར་བཤད་པ་ཡིན།། དེ་གསུམ་གཙོ་བོ་དྷཱུ་ཏི་ཡིན།། སྲོག་པ་རྩ་ཡི་ནང་དུ་ནི།། དབུགས་མེད
28a3 འགྱུ་བའི་རྟག་པོ་བྱེད།། རྩ་རྣམས་ཐམས་ཅད་འཕར་བ་ཡང་།། དབུགས་མེད་རྒྱུ་བ་འཕར་བ་ཡིན།། གསང་བའི་གནས་ན་རྩ་གནས་པ།། འདོད་ཆགས་ཞེ་སྡང་རྩ་རྟ་ཕོལ།། བདེ་བ་སྟོང་པའི་མི་ཕོ་ཞོན།། ཉམས་ལ
28a4 ཆགས་ན་རྟ་དང་བྲལ།། འཕྱེ་བོ་རྟ་དང་བྲལ་བ་ཡིས།། རྟ་ཡི་ཞེན་པ་འདུད་པ་གྲོལ།། ཅེས་གསུངས་སོ།། བསྐལ་པ་དུམ་བུའི་རྒྱུད་ལས།། སྨད་ཀྱི་རྩ་རྒྱུད་མདོར་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས
28a5 ང་བཀའ་སྩལ་པ།། གསང་བའི་བདག་པོ་ལེགས་པར་ཉོན་ཅིག། སྟོད་ཀྱི་རྩ་རྒྱུད་བཤད་པར་བྱ།། སྟོད་ཀྱི་རྩ་རྣམས་ཐམས་ཅད་ཀྱང་།། ཤེས་རབ་འགག་པ་མེད་པའི་རྩ།། རྩ་ཡི་རྒྱལ་པོ་ཤེལ་གྱི་སྦུ་གུ་ཅན།། ཤེས
28a6 རབ་འགག་པ་མེད་པའི་རྩ།། སྙིང་ནས་གྱེན་དུ་འབྲེལ་བ་ཡང་།། ཐམས་ཅད་འགག་མེད་ཤེས་རབ་རྣམ་གསུམ་རྩ།། གཡས་ན་མྱུར་བའི་རྩ་གནས་ཏེ།། གཡོན་ན་ཐོགས་པ་མེད་པའི་རྩ།། དབུས་ན་ཟབ་པའི་རྩ
iiif viewer powered by OpenSeadragon
