| e-texts navigator |
| Wylie |
27b1 ཡིན་ཏེ།། གསོད་བྱེད་གཞན་ན་མེད།། མཛོད་པུའི་ཐུགས་རྗེ་འགག་མེད་རང་ཤར་ལས།། བདག་འཛིན་མེད་དང་གཉིས་སྣང་མེད།། ཕྱོགས་ལྷུང་མེད་པའི་ཤེས་རབ་ཆེན་པོ་ཡིས།། དུས་གསུམ་གཅིག་ཏུ་བསྟན་པ
27b2 ནི།། དབང་པོ་རབ་མགོ་གསང་བ་ཡིན་པར་ཤེས།། ལམ་ནི་རྟགས་ཀྱི་གསང་ལམ་རྩ་ཡི་ནང་།། དོན་གྱི་གསང་ལམ་འགྱུ་བའི་ཡིག་ནག་ཡིན།། ཞེན་པའི་སྒོམ་པ་ཆགས་སྡང་ཁ་རུ་ཤོར།། སེམས་དང་འགྱུར་བ་ཡིན།
27b3 པས་བློ་དངོས་འབྲེལ་པ་མེད།། དབུགས་མེད་ཟང་ཐལ་ཐོགས་པ་མེད་པ་ཡིན།། ཐམས་ཅད་ཀུན་ལ་འཇུག་པས་གསང་ལམ་ཆེན་པོ།། དོན་གྱི་གསང་སྒོ་དབྱེ་བ་དང་།། རྟགས་ཀྱི་གསང་སྒོ་མཚོན་པ་དང་།། ངེས་པའི
27b4 གསང་སྒོ་རྙེད་པ་ནི།། རྒྱལ་པོ་རྒྱལ་ས་བཟུང་བ་འདྲ།། འགྱུ་བའི་ཡི་གེ་ལྟ་ཤེས་ན།། རུས་སྦལ་འཁར་གཞོང་བཅུག་པ་འདྲ།། འགྱུ་བའི་ཡི་གེ་ཀློག་ཤེས་ན།། དབུལ་པོས་རིན་ཆེན་གཏེར་རྙེད་འདྲ།། འགྱུ་བའི་ལོག
27b5 རྟོག་སེལ་བ་ན།། ཡིད་བཞིན་ནོར་བུ་རྙེད་པ་འདྲ།། འགྱུ་བ་མ་ཤེས་སེམས་སྒོམ་རྩོམ།། རྟ་རྒྱགས་སྒྲོག་ཏུ་བཅུག་པ་འདྲ།། ཞེས་གསུངས་སོ།། བསྐལ་པ་དུམ་བུའི་རྒྱུད་ལས།། ངོ་སྤྲོད་བརྗོད་པའི་ལེའུ་སྟེ་བཅུ་གཉིས
27b6 པའོ།། །། དེ་ནས་ཡང་བཀའ་སྩལ་པ།། རྩ་ལ་རྩ་རྒྱུད་རྣམ་གཉིས་ཏེ།། སྟོད་ཀྱི་རྩ་དང་སྨད་ཀྱི་རྩ།། རྣམ་པ་གཉིས་སུ་ཤེས་པར་བྱ།། སྨད་ཀྱི་རྩ་རྣམས་ཐམས་ཅད་ཀྱང་།། སྲོག་པ་རྩ་རུ་འདུས་པ་སྟེ།། དབུགས
iiif viewer powered by OpenSeadragon
