| e-texts navigator |
| Wylie |
27a1 འདྲ་བ་དེ།། ཚེ་ཡི་རྟ་ནི་འགྱུར་བ་ཡིན།། སྙིང་ནས་ལོངས་སྤྱོད་འཁོར་ལོ་འབྲེལ་བ་ཡིན།། དེ་ནས་འཇུངས་པའི་ནང་དུ་སོང་ནས་ནི།། བདེ་ཆེན་གཞལ་ཡས་ཁང་ན་ཀ་བ་བཙུགས་པ་འདྲ།། གདུང་མ
27a2 ལྟ་བུར་མཛོད་བུའི་བུ་གར་བྱུང་།། སུས་ཀྱང་མི་ཁེགས་རང་བྱུང་རྟགས་སུ་གསལ།། རྨི་ལམ་གྲོང་ཁྱེར་རྣམ་ཤེས་གྲོང་ཁ་ཡིན།། དུས་གསུམ་ཉིད་ཀྱི་གདམས་ངག་ཤིན་ཏུ་གཅེས།། བར་མ་དོ་རུ་གདོན་མི་ཟ་སྟེ་དཔའ
27a3 བོཔོ་ཡིན།། ཀ་བའི་མགོ་ལ་ཉི་ཟླ་གཉིས་ཡོད་པ།། བདེ་གསལ་སྟོང་པའི་སྐར་ཁུང་ནང་དུ་ནི།། གསེར་གྱི་སྤངས་པ་ལྟ་བུ་ནི་དབུགས་མེད་པ།། ཡེ་ཤེས་འགག་པ་མེད་པའི་རྟགས་ཡིན་ཏེ།། རབ་ཀྱི་གསང་ལམ་ཡིན
27a4 པར་ཤེས་པར་བྱ།། གཞུང་པ་མགོ་ནས་རྩ་ཡི་བ་ཟག་ཙམ།། གཉིས་སུ་གྱེས་ཏེ་མཐིལ་གྱི་མེ་ལོང་གཉིས་སུ་ཤར།། ཤེས་རབ་འགག་པ་མེད་པའི་མེ་ལོང་ཡིན།། ཕར་ལ་ལྷ་མི་དགོས་ཏེ་རང་ལ་བལྟས་པས
27a5 ཆོག། གསལ་བཟང་ཐལ་འདི་ལ་ལྟ་ཤེས་ན།། འབྲིང་དང་ཐ་མའི་གསང་སྒོ་ཡིན་པར་ཤེས།། གདུང་མ་ལ་ཡང་མགོ་བོ་བསྣོལ་མར་བྱུང་།། མནར་མེད་སྐྱེ་བ་བདུད་སྒོ་དག་ནས་འབྱུང་།། དེ་ཡང་རྩ་ཡི་རྟེན་གྱི་གསང
27a6 ལམ་ཡིན།། སྲོག་གཅོད་བདུད་པོ་ལེགས་ན་མེད་དེ་རང་ཆས་གནས།། འཆི་བའི་སྲོག་རྟེན་བྱ་བ་དེ་ན་ཡོད།། དེ་ནི་འཆི་འབྲས་དྲག་ཏུ་རླན་པས་འཆད།། དེ་ཆད་བདུད་དུ་བྱུང་བས་ན།། འཆི་བདག་བདུད་དུ་བྱུང་བ
iiif viewer powered by OpenSeadragon
