| e-texts navigator |
| Wylie |
26b1 སུ་གྲུབ།། དེ་ནི་རྟགས་ཡིན་དོན་ནི་འདི་ལྟ་སྟེ།། རིག་པ་ཆོས་མེན་ཡེ་ཤེས་རྒྱུ་རྐྱེན་མེད།། བྱེད་པས་མ་བྱས་ཡེ་ནས་ལྷུན་གྱིས་གྲུབ།། དཔེ་དང་ལྡན་པའི་རྟགས་རྣམས་ཡེ་ནས་ཡིན།། ཡིན་པར་ཤེས་པས་སངས
26b2 རྒྱས་ཐོབ་དུ་མེད།། དེ་ཕྱིར་འབྲས་བུ་ཡེ་ནས་རང་གྲོལ་ཡིན།། བློ་དངོས་ཤན་འབྱེད་ཡེ་ཤེས་ཟང་མ་ཡིན།། བློ་དངོས་ཤན་མ་ཕྱེད་ན་འཁོར་བ་ཟང་ཁ་བརྒྱུད།། རང་སྣང་ཐིག་ལེ་ཡིན་པར་མ་ཤེས་ན།། སྣང་བ་སྟོང
26b3 སྒོམ་བྱས་པས་སྐྱེ་མཆེད་མུ་བཞི་ལས།། ནམ་མཁའ་མཐའ་ཡས་སྐྱེ་མཆེད་ལྷ་རུ་གོལ།། འགྱུར་བ་རིག་པའི་རྩལ་དུ་མ་ཤེས་ན།། འགྱུ་བ་རྐྱང་སྒོམ་བྱས་པའི་འབྲས་བུ་ནི།། ཅི་ཡང་མེད་པའི་སྐྱེ་མཆེད་གོལ་བ
26b4 ཡིན།། ཅེས་གསུངས་སོ།། བསྐལ་བ་དུམ་བུའི་རྒྱུད་ལས།། བློ་དངོས་ཤན་འབྱེད་ཀྱི་ལེའུ་སྟེ་བཅུ་གཅིག་པའོ།། །། དེ་ནས་ཡང་བཀའ་སྩལ་པ།། དངོས་པོའི་རྟགས་སུ་རྟགས་ཀྱི་ཡི་གེ་བྱུང་།། རང་བྱུང་སྣང
26b5 སྲིད་གསལ་བའི་མེ་ལོང་འདི།། མཚོན་གང་ཙམ་ལས་མ་རྟོགས་པ།། དེ་མན་ཟླ་ཡང་ཆུ་བུར་བློ་ཡི་ཆོས།། བློ་དངོས་བར་ན་སྣང་བ་འགག་མེད་འཆར།། ངོ་བོ་ཐིག་ལེ་ཆོས་མེན་ཡེ་ཤེས་དེ།། རྒྱུ་རྐྱེན་ལ་སོགས་དེ་དག
26b6 གོང་དང་འདྲ།། དེ་ཡང་རྟགས་ཡིན་དོན་དུ་འབྲེལ་བས་ན།། རྩ་ཡི་རྒྱལ་པོ་ཤེལ་གྱི་སྦུ་གུ་ཅན།། ཚེ་རབས་ཐོག་མ་མེད་པ་ནས།། ཚེ་ལྷའི་རྟེན་དང་གཞི་མ་བྱེད།། དེ་ནང་འོད་ཀྱི་སྒྲོན་མ་ལྔ། མུ་ཏིག་ཚར་ལ་བརྒྱུས་པ
iiif viewer powered by OpenSeadragon
