| e-texts navigator |
| Wylie |
25a1 འཁྱམ།། ཀུན་བརྟགས་རིམ་དགུའི་སྣང་བ་སོ་སོར་འབྱེད།། བློ་ཆུང་སྣང་བ་ཕྱོགས་མེད་མ་རྟོགས་ན།། ཡང་དག་རང་སར་གྲོལ་བའི་དུས་མི་མཆི།། ཀུན་བརྟགས་ལྷ་ཡི་སྣང་བ་སྒྱུ་མ་ཙམ།། སྒྱུ་མ་རང
25a2 གྲོལ་རང་ཤར་མ་ཤེས་ན།། བདེ་ཆེན་རང་སྣང་དག་པའི་དུས་མི་མཆི།། གསང་བའི་བདག་པོ་ཉོན་ཅིག། འགྱུ་བ་ཕྱོགས་མེད་ཡི་གེ་འབྲི་བ་ལ།། ཀློག་མཁན་མ་བྱེད་མཁྱེན་པ་སྦྱངས།། རང་སྣང་གདངས་ཤོག་གསལ
25a3 བ་ལ།། འགྱུ་བའི་ཡི་གེ་འབུར་དུ་བཀོད་པ་འདི།། རྡོ་རྗེ་སེམས་དཔའ་ཁྱོད་ཀྱིས་ཀྱང་བཤིག་པར་དཀའ་འོ།། དོན་འགྱུར་བ་མེད་པའི་རང་སྣང་ལ།། ཤེས་རབ་རྩལ་གྱིས་གཟོ་བྱས་སྣང་བ་དེ།། ང་ཀུན་ཏུ་བཟང་པོས
25a4 རྙེད་པར་དཀའ།། དུས་གསུམ་འགྱུར་བ་མེད་པའི་ཡེ་ཤེས་དེ།། རང་རིག་བློ་བུ་རྐུན་མས་ཁྱེར་བ་ནི།། ཕྱ་ཧེ་ལེས་སྤྱད་གཏིང་ཡང་མི་རྙེད་དོ།། རྟག་ཏུ་འགྲོགས་པའི་རང་རིག་དེ།། དཔྲལ་ཆུང་གི་ཆུ་བོའི་རྦ་ལ
25a5 གཡེངས་པ་མཚོར་ན།། རྟག་ཏུ་ལྟ་སྒོམ་བྱས་ཀྱང་སླུ་སྟེ་མཆིའོ།། རིགས་ཀྱི་བུ་ཉོན་ཅིག། གོ་བར་དཀའ་བའི་ཚིག་དོན་དེ།། ཟབ་མོའི་སྒྲ་རུ་བརྗོད་པས་བཅས།། ཕྱོགས་སུ་ལྷུང་ཞིང་རྒྱ་ཡང་ཆད།། དབྲི་བཀོལ་མེད
25a6 པའི་ཡེ་ཤེས་ལ།། ལྷ་སྒོམ་སྤྱོད་པའི་ལྷད་ཀྱིས་བསླད།། ཤེས་བྱ་གཤིས་ཀྱི་འདུག་ཚུལ་ལ།། ཕྱོགས་རེ་ཙམ་ལ་རྟེན་བྱས་ནས།། ཡེ་ཤེས་སྐྱེས་སོ་ཟེར་བ་རྒོད་རེ་བྲོ།། སྐྱེས་པ་འགག་པས་ཡེ་ཤེས་འདུས་བྱས་ལ།། རང
iiif viewer powered by OpenSeadragon
