| e-texts navigator |
| Wylie |
22a1 ལས།། དམ་ཚིག་ཉམས་པའི་རྡོ་རྗེ་དམྱལ་བ་རྣམས།། དམྱལ་དཔོན་ཆོས་ཀྱི་རྒྱལ་པོས་སྐྱོབ་བམ་ཅི།། གལ་ཏེ་མི་སྐྱོབ་ཐུབ་པར་ཅི་ལ་གྲགས།། སྐྱོབ་ན་དམྱལ་བའི་འབྲས་བུ་ཚ་གྲང་རྫུན།། མེ་ཉིད་ཆུར
22a2 གྲུབ་ཁྲོ་ཆུ་ཞུན་མ་དང་།། ཆུ་ཉིད་མེར་གྱུར་གྲང་བའི་ཆུ་རྣམས་དང་།། རླུང་ཉིད་བྲག་གྱུར་རྡོ་རྗེ་རྒྱ་གྲམ་རྣམས།། རང་སྣང་རྐྱེན་གྱིས་བསྒྲིབས་པས་དམྱལ་བར་སྣང་།། རང་སྣང་དག་པའི་རྡོ་རྗེ་སེམས་དཔའ
22a3 ལ།། དམྱལ་བའི་མེ་ཆུ་ཞིང་ཁམས་རྣམ་དག་ཡིན།། འཛིན་པ་རྣམ་དག་ཚ་གྲང་གནས་ནས་དྲང་མི་དགོས།། ཆོས་སྐུ་ཐུག་ཕྲད་སྐྱེས་པས་མྱོང་མཐོང་རྣམ་པར་དག། དེས་ན་དེ་ཡི་དམྱལ་དཔོན་ཐུབ་པ་ཡིན།། རང་གྲོལ
22a4 རང་སྣང་ཤར་ནས་ཐུབ་པའི་རྒྱལ་པོ་ཡིན།། ཅེས་གསུངས་སོ།། བསྐལ་པ་དུམ་བུའི་རྒྱུད་ལས།། དམྱལ་བའི་གནས་ན་ཐིག་ལེ་ཆོས་མིན་དུ་བསྟན་པའི་ལེའུ་སྟེ་གསུམ་པའོ།། །། ཡང་ཐིག་ལེ་ཆོས་མིན་གྱི་ཀློང
22a5 ནས།། གསང་བའི་བདག་པོ་ལ་བཀའ་སྩལ་པ།། ཀྱེ་གསང་བདག་རྡོ་རྗེ་སེམས་དཔའ་ཉོན།། འདོད་ཆགས་དྲག་པོ་ལས་ཀྱིས་མཚམས་མེད་སྐྲད།། སེར་སྣས་བཅིངས་ཏེ་མི་དགེ་བཅུ་ཡང་སྤྲད།། སྐྲད་པའི་འབྲས་བུ
22a6 ཡི་དྭགས་རྣམ་གསུམ་དུ།། མྱོང་བ་རྒྱུ་མཐུན་འབྲས་བུ་སོ་སོར་སྨིན།། ཕྱི་ཡི་སྒྲིབ་པ་ནང་གི་སྒྲིབ་པ་དང་།། གཉིས་ཀའི་སྒྲིབ་པ་རབ་ཏུ་གདུངས་པ་ལ། ཁ་འབར་རྒྱལ་མོས་སྐྱོབ་བམ་ཅི།། སྐྱོབ་ན་སྒྲིབ་པས་མནར་བ
iiif viewer powered by OpenSeadragon
