| e-texts navigator |
| Wylie |
21b1 དང་།། ས་ལ་གནས་པའི་བྱང་ཆུབ་སེམས་དཔའ་ལ།། བདག་ཅག་གྲོལ་བར་བྱ་བའི་ཕྱིར།། བསྐལ་བ་དུམ་བུ་བཤད་པར་ཞུ།། ཞེས་ཞུས་པས།། ངས་གསུངས་པ་ལ་མ་སྐྲག་པར།། རབ་ཏུ་ལེགས་པར་ཡིད་ལ
21b2 ཟུང་།། ཞེས་གསུངས་སོ།། གླེང་གཞིའི་ལེའུ་སྟེ་དང་པོའོ།། །། དེ་ནས་ཀུན་ཏུ་བཟང་པོ་ཡིས།། གསང་བདག་རྡོ་རྗེ་སེམས་དཔའ་རྣམས།། ཐོག་མཐའ་མེད་པའི་ལྷུན་གྲུབ་ལ།། རྒྱ་ཆད་ཕྱོགས་ལྷུང་མེད་པའི
21b3 དབྱིངས།། ཀུན་གྱི་མཉམ་ཉིད་ཡིན་པ་ལ།། ལྷུན་གྲུབ་འགག་མེད་རླུང་ཆེན་གྱིས།། སྲིད་པ་འཕྲུལ་གྱི་མེ་ལོང་མཐོང་།། སྣང་སྲིད་གསལ་བའི་མེ་ལོང་དུ།། ང་ཉིད་མཉམ་བཞག་ཕྱག་རྒྱས་བཏབ།། རང་གྲོལ་རང་ཤར
21b4 གྱི་བདག་པོ་ཡིན།། ཕྱོགས་ལྷུང་མེད་པའི་ཤེས་རབ་དང་།། གཉིས་སུ་མེད་པའི་ཤེས་རབ་དང་།། བདག་འཛིན་མེད་པའི་ཤེས་རབ་ཀྱིས།། རང་གྲོལ་ཉིད་ཀྱི་དགོངས་པ་ཐོབ།། ཅེས་གསུངས་སོ།། བསྐལ་པ
21b5 དུམ་བུའི་རྒྱུད་ལས།། ཀུན་ཏུ་བཟང་པོ་རང་གྲོལ་གྱི་ལེའུ་སྟེ་གཉིས་པའོ།། །། དེ་ནས་ཡང་ཐིག་ལེ་ཆོས་མེན་གྱི་ཀློང་བྱ་བཙལ་དང་བྲལ་བའི་ངང་ནས།། རྡོ་རྗེ་སེམས་དཔའ་ལ་སོགས་པ་ལ་བཀའ་སྩལ
21b6 པ།། ཀྱེ་ཀྱེ་གསང་བའི་བདག་པོ་ཉོན་ཅིག། ཞེ་སྡང་དྲག་པོའི་ལས་ཀྱི་འབྲས་བུ་ནི།། མཚམས་མེད་ལྔ་སྤྱད་མི་དགེ་བཅུ་སྤྱད་པས།། ཚ་གྲང་བརྒྱད་གཉིས་ཉི་ཚེ་ཉེ་འཁོར་ཏེ།། ལས་ཀྱི་འབྲས་བུ་དམྱལ་བའི་ཁ་བརྒྱད
iiif viewer powered by OpenSeadragon
