| e-texts navigator |
| Wylie |
21a1 དུས་མཐའ་ནས།། རང་ལ་རང་ཆས་ཡོད་པའི་ཕྱིར།། རང་ངོ་ཤེས་ཤིང་རྟོགས་པས་ཆོག། རྨི་ལམ་སད་པའི་དུས་བཞིན་ནོ།། མངོན་ཤེས་རིག་པའི་རྒྱལ་པོའི་རྒྱུད།། རིག་པའི་གནད་དགུ་ཞེས་བྱ་བ
21a2 རྫོགས་སོ།། ། @#།། རྒྱ་གར་སྐད་དུ།། ཏིལ་སི་ཏ་པེ་དུ་དིའུ་ར་ན་ཏན་ཏྲ་ནཱ་མ།། བོད་སྐད་དུ།། བསྐལ་པ་དུམ་བུ་འབར་བ་སྒྲོན་མ་སྣང་བའི་རྒྱུད་ཅེས་བྱ་བ།། དཔལ་ཀུན་ཏུ་བཟང་པོ
21a3 བདེ་བ་རང་རིག་པའི་རྒྱལ་པོ་ཆོས་ལས་འདས་པའི་སྐུ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། བཅོམ་ལྡན་འདས་ཏིང་ངེ་འཛིན་སྒྲོན་མ་འབར་བ་ཞེས་བྱ་བ་ལས་བཞེངས་ཏེ།། གསང
21a4 བའི་བདག་པོ་རྡོ་རྗེ་སེམས་དཔའ་དང་ཐབས་ཅིག་པའི་བྱང་ཆུབ་སེམས་དཔའ་རྣམས་ལ་སོགས་པ།། ལག་ན་རྡོ་རྗེ་དང་།། རྡོ་རྗེ་འདུས་པ་དང་།། རྡོ་རྗེ་ཀུན་དུ་བཟང་པོ་རྣམས་ལ་བཀའ་སྩལ་པ།། རང་བཞིན་གྱིས
21a5 རྣམ་པར་དག་པ་ལྷུན་གྱིས་གྲུབ་པའི་གནས་འདི་ཉིད་ན།། བྱ་སྣ་ཚོགས་སྐད་སྙན་པ་སྣ་ཚོགས་སྒྲོག་པ།། ཉམས་དགའ་བའི་ཕྱོགས་འདིར་རང་བསྐལ་བ་དུམ་བུའི་རྒྱུད་བཤད་པར་བྱའོ།། ཞེས་གསུངས་པ
21a6 དང་།། གསང་བའི་བདག་པོ་ལ་སོགས་པ་རྣམས་ཤིན་ཏུ་ཡི་རང་སྟེ།། སུས་མོ་གཡས་པའི་ལྷ་ངས་ལ་གཙུགས་ཏེ་ཕྱགས་འཚལ་ནས།། ལེགས་སོ་ལེགས་སོ་བཅོམ་ལྡན་འདས།། བདག་ཅག་མཁའ་འགྲོ་མ་རྣམས
iiif viewer powered by OpenSeadragon
