| e-texts navigator |
| Wylie |
20a1 རྒྱ་གར་སྐད་དུ།། ཏྲ་ཏ་ཀེ་རཱ་ཛ་ཏན་ཏྲ།། བོད་སྐད་དུ་མངོན་ཤེས་རིག་པའི་རྒྱལ་པོའི་རྒྱུད།། ཧེ་རུ་ཀ་དཔལ་འཇམ་པའི་དབྱངས།། གསང་བདག་ཆེ་ལ་ཕྱག་འཚལ་ནས།། མངོན་ཤེས་རིག་པའི་གནས
20a2 དགུ་འདི།། དུས་གསུམ་རྒྱལ་བའི་ཐུགས་གཏེར་བས།། རྫ་ཤིང་སྣོད་ལ་ཡོངས་མི་བསྟན།། ཨུ་རྒྱན་ཡུལ་གྱི་ཐོར་ཅོག་ཅན།། བརྩེ་གདུང་ལྷུན་གྲུབ་པའི་གནས།། དྷ་ན་ཀོ་ཤའི་གླིང་གོང་དུ།། གུ་ལང་གསེར་གཟོའི
20a3 དོན་དུ་བཤད།། གཞི་མོའི་དོན་ལ་མཁས་པ་དང་།། ཆོས་དང་ཆོས་ཉིད་འབྱེད་དུས་དང་། ཆོས་ཉིད་ཟླ་ལ་ལེན་འདེབས་དང་། 3། བྱབས་ཀྱིས་ཆོད་པའི་ལྟ་བ་དང་། ཀློང་དུ་གྱུར་པའི་སྒོམ་པ་དང་།
20a4 གདེང་གིས་ཟིན་པའི་སྤྱོད་པ་དང་། བརྡར་ཤ་ཆོད་པའི་གོལ་སྒྲིབ་དང་། ཐབས་ཀྱིས་ཟིན་པའི་དམ་ཚིག་དང་། རང་ལ་རྙེད་པའི་འབྲས་བུ་དགུ། མངོན་ཤེས་རིག་པའི་གནད་ཡིན་པས།། སྐལ
20a5 ལྡན་ལས་འཕྲོ་ཅན་གྱི་གཏེར།། གཞི་མོའི་དོན་ལ་མཁས་པ་ནི།། མ་བྱུང་མ་སྐྱེས་སྔོན་རོལ་ན།། སེམས་ཀྱི་ངོ་བོ་ཇི་ལྟར་གནས།། མཁའ་དང་འཇའ་ཚོན་ཚུལ་དུ་གནས། 1། ཆོས་དང་ཆོས་ཉིད་འབྱེད་དུས
20a6 ནི།། མཁའ་དང་འཇའ་ཚོན་གཅིག་པ་ལ།། གཞའ་ཚོན་ཡུལ་དུ་བཅས་པས་འཁྲུལ།། མེད་ལས་ཡོད་གཟུང་རྒྱུ་ཉིད་ཀྱིས།། རྨི་ལམ་ཚུལ་དུ་སྡུག་བསྔལ་མྱོང་།། རིགས་དྲུག་སྐྱེ་འགུལ་དེ་ལས་བྱུང་།། ཆོས་ཉིད་ཟླ།
iiif viewer powered by OpenSeadragon
