| e-texts navigator |
| Wylie |
1b1 @། རྒྱ་གར་སྐད་དུ། བོ་དྷི་ཙིཏྟ་བི་ན་བ་ར་ཏནྟྲ་མ། བོད་སྐད་དུ། བྱང་ཆུབ་སེམས་ཐེག་པ་ཉི་ཤུ་རྩ་གཉིས་པའི་རྒྱུད་ཅེས་བྱ་བ། མཁྱེན་ལྡན་སྟོན་པའི་སྐུ་ལ་ཕྱག་འཚལ
1b2 ལོ།། འོག་མིན་ཆོས་ཀྱི་དབྱིང་དག་ཏུ།། མཁྱེན་ལྡན་ཀུན་ཏུ་བཟང་པོ་ཡིས།། སེམས་དཔའ་ལ་སོགས་འཁོར་རྣམས་ལ།། བྱིན་གྱི་བརླབས་ཀྱི་བཤད་པ་ཡིས།། བྱང་སེམས་ཕྱི་མའི
1b3 རྒྱུད་སྙན་པ།། ངེས་པ་གཅིག་ལ་བཞག་ཕྱིར་བསྟན།། བསྟན་པའི་དོན་ནི་རྣམ་པ་གཉིས་སུ་བཤད།། ལྟ་བ་དོན་གྱི་ཐིགས་པ་ཉག་གཅིག་ལ།། མན་ངག་དོན་གྱི་ཐིགས་པ་དབབ་པར
1b4 བསྟན།། སྤྱི་ཡི་ཐིགས་པ་རྣམ་པ་གཉིས་སུ་བཤད།། དགོས་ཀྱི་ཐིགས་པ་ཉི་ཤུ་རྩ་གཉིས་བསྟན།། མན་ངག་དོན་གྱི་ཐིགས་པ་ཉག་གཅིག་མ།། ཕྱི་ནང་གཉིས་མེད་ཡེ་ནས་དེ་བཞིན
iiif viewer powered by OpenSeadragon
