| e-texts navigator |
| Wylie |
19a1 པ་ཧ་ཧ།། བདེ་དང་སྡུག་བསྔལ་ངོ་བོ་གཅིག་པ་ཧ་ཧ།། དགེ་སྡིག་ལས་ཀྱི་འབྲས་བུ་གཅིག་པ་ཧ་ཧ།། གསེར་དངུལ་ལུགས་ཀྱི་དཀྱིལ་འཁོར་དང་།། ས་རྡོ་རི་བྲག་དོན་ལ་གཅིག་པ་ཧ་ཧ།། ཐུབ་པའི
19a2 མཛད་པ་བཅུ་གཉིས་དང་།། རྫོགས་ཆེན་རོལ་པ་ལས་གཅིག་པ་ཧ་ཧ།། དྲུག་གི་བསྟན་པའི་ལོག་ཆོས་དང་།། རྒྱལ་བའི་བཀའ་རྒྱུད་བདུད་རྩི་གཉིས།། བྱང་ཆུབ་སེམས་ཀྱི་ངང་དུ་གཅིག་པ་ཧ་ཧ།། དངོས་པོ་གཅིག་ལ
19a3 སྣང་ཚུལ་བཅུ་དགུར་གསལ།། ཆོས་ཀྱི་དབྱིངས་སུ་རང་བཞིན་གཅིག་པ་ཡོངས་ཀྱིས་མཉམ།། ངོ་མཚར་ཆེ་ཧ་ཧ།། ངོ་མཚར་ཆེན་པོའི་ཚིག་དགུ་ལ།། དུས་གསུམ་རྒྱལ་བས་ལན་དགུར་བཞད།། ཧེ་ཧེ་ཧེ།། ཚིག་ཏུ
19a4 འདུས་ལ་དོན་དུ་རྒྱས།། རྒྱ་མཚོ་ཆུ་བོའི་འཕྲོ་འདུ་བཞིན།། ནམ་མཁའ་རྡོ་རྗེ་ཨ་ལས་བྱུང་།། བདེ་བ་ཆེན་པོའི་མཆོག་འདི་ལ།། མཚོན་དུ་ཡོད་པ་མ་ཡིན་ཏེ།། མཚོན་དུ་མེད་པའི་ཆོས་ཉིད་ནི།། བརྗོད་དུ་མེད་པའི
19a5 བདེ་ཆེན་ཡིན།། བརྗོད་དུ་མེད་པའི་བདེ་ཆེན་ལ།། བརྗོད་དུ་མེད་པའི་ཚིག་བརྗོད་ནས།། བརྗོད་དུ་མེད་དོན་གྱི་ངོ་བོ་སྟོན།། མཚོན་མེད་བརྗོད་ལས་འདས་པ་ཡི།། བྱང་ཆུབ་སེམས་ཀྱི་བདེ་ཆེན་ལ།། དགོངས་པའི
19a6 དབང་གིས་རྒྱལ་བ་རྣམས།། ང་དང་བདག་ཅེས་གསུངས་པ་ནི།། དེ་བཞིན་པ་ཡི་དབང་གིས་ནི།། ཆོས་སྒོ་བརྒྱད་ཁྲི་བཞི་སྟོང་གསུངས།། གསུངས་ཀྱང་གནས་ལུགས་གཅིག་ལས་མེད།། བསྟན་པའི་སྙིང་པོ་བདེ་ཆེན
iiif viewer powered by OpenSeadragon
