| e-texts navigator |
| Wylie |
18a1 རིག་པ་ཀློང་རྫོགས་ཀྱི་རྒྱུད་རྫོགས་སོ།། །། དགེ་སློང་བེ་རོ་ཙ་ན་ལ།། རྡོ་རྗེ་སེམས་དཔའི་ཐུགས་ཀྱི་གཏེར།། མཁས་པའི་གདམས་ངག་བརྒྱུད་པ་འདི།། རྡོ་རྗེ་ཡང་དག་རྩལ་ལ་སོགས།། སྐལ
18a2 ལྡན་རེ་ལས་མ་གཏོགས་པ།། གཅིག་ལ་མི་སྒྲུབ་གཉིས་ལ་མི་སྤེལ་ཏེ།། ཐུགས་ཀྱི་གཏེར་དུ་བཅང་ཞིང་སེམས་ལ་བསླན།། ། @#། རྒྱ་གར་སྐད་དུ།། ཨ་ཏི་ཡོ་ག
18a3 དྷརྨ་མ་ཧཱ་ཏན་ཏྲ།། བོད་སྐད་དུ།། རྫོགས་པ་ཆེན་པོ་རྣལ་འབྱོར་ཆོས་ཉིད་ཀྱི་རྒྱུད།། བཅོམ་ལྡན་འདས་དཔལ་རྡོ་རྗེ་འཆང་ཆེན་པོ་ལ་ཕྱག་འཚལ་ལོ།། དེ་ནས་ཡང་དེའི་ཚེ་བཅོམ་ལྡན་འདས་ཀྱིས།། དཔལ་རྡོ་རྗེ
18a4 སེམས་དཔའ་འདི་སྐད་ཅེས་བཀའ་སྩལ་ཏོ།། བདག་གཞན་གདོད་ནས་མེད་པ་ཡི།། ལྷུན་གྱིས་རྫོགས་པའི་ངང་ཉིད་ལ།། འཆི་འཕོ་འགྱུར་བའི་ཆོས་མེད་དེ།། མི་འགྱུར་བརྟན་པའི་གསེར་བཞིན་ནོ།། དགེ་བའི
18a5 ཕྱོགས་དང་སྡིག་པ་སོགས།། ཐ་དད་ཙམ་ཡང་ཡོད་མ་ཡིན།། རྣལ་འབྱོར་རྣམ་པར་འཆིང་བ་ཉིད།། གཉིས་པོ་འདི་དག་གདོད་ནས་མེད།། གང་གིས་དེ་ལྟར་མ་རིག་པའི།། དོན་མེད་སྒྲ་ཕྱིར་དེ་འབྲངས་ནས།། དགེ
18a6 བའི་ཕྱོགས་སྤོང་སྡིག་པ་སྤྱོད།། དེ་ཉིད་འཐོམས་པས་དམྱལ་བར་འགྲོ།། དཀར་བས་དཀར་པའི་ཉི་མ་མེད།། གནག་པའི་མུན་པ་དག་ཀྱང་མེད།། འཁོར་བ་མེད་ཅིང་མྱང་འདས་མེད།། རིག་པ་མེད་ཅིང་གནས་པ
iiif viewer powered by OpenSeadragon
