| e-texts navigator |
| Wylie |
17b1 པ་སྟེ།། ལྷག་པའི་སླབ་པ་ཀུན་རྫོགས་པའོ།། ནམ་མཁའ་རྡོ་རྗེ་འགྲོ་འདུལ་ཐབས།། ཇི་སྙེད་སྤྱོད་པ་མདོར་བསྡུས་པ།། དང་པོ་ནས་གཟུང་མཐར་ཐུག་པར།། ཁྱབ་པས་དགོངས་པས་སྤྱོད་པ་ཡིན།། ཇི་སྙེད་རྒྱལ
17b2 བ་ཐམས་ཅད་ཀྱི།། སྐུ་གསུང་ཐུགས་ཀྱི་ངོ་བོ་ནི།། བདེ་ཆེན་རིག་པའི་ཡེ་ཤེས་ཏེ།། མ་ལུས་མཁའ་ལྟར་ཁྱབ་པ་ཡིན།། འདི་དག་ངེས་པར་ཐུགས་ཕྲད་དུ།། ངེས་པར་བསྟན་གྱིས་ཤེས་པར་གྱིས།། དེ་དག་རྟོགས
17b3 གོམས་དེ་ཕྱིན་ཆད།། བུལ་པོ་གཏེར་དང་ཕྲད་པ་ལྟར།། བདེ་བར་གནས་ནས་བཅིངས་པར་གྲོལ། ཁྱུང་ཕྲུག་སྦུབས་དང་བྲལ་བའམ།། སེང་གེ་དོང་ཟག་བཀྲོལ་བ་ལྟར།། ཉི་འོད་སྤྲིན་དང་བྲལ་བ་ལྟར།། ཕྱིན་ཆད
17b4 སྟོབས་དང་ལྡན་པ་ཡིན།། འདོད་པའི་དངོས་པོ་གང་མཐོང་ཚོར།། བདེ་ཆེན་རྫོགས་པའི་ངོ་བོར་གནས།། འདི་དག་ཡེ་ཤེས་རྫོགས་པའི་ཕྱིར།། མ་ཉམས་རིག་པའི་ངང་ལས་སྤྱོད།། ཤེས་རབ་མ་ལུས་གཅིག་ལ
17b5 རྫོགས།། གཅིག་པོ་རིག་པས་ངོས་བཟུང་ན།། ཐེག་པའི་རྣམ་གྲངས་མ་ལུས་པ།། དུས་གཅིག་རྫོགས་པར་རྟོགས་གྱུར་ནས།། མ་ཡེངས་གཞག་པས་གྲོལ་བ་ཡིན།། འདུལ་བའི་དུས་ན་བསམས་པ་བཞིན།། ཐུགས་རྗེ
17b6 འགྲོ་འོད་མེད་པར་བད་ལ།། དངོས་གྲུབ་ཐོགས་མེད་ལྷུན་རྫོགས་ཀྱིས།། ཞེས་བཅོམ་ལྡན་འདས་བདེ་བ་ཆེན་པོ་རིག་པའི་རྒྱལ་པོ་རྡོ་རྗེ་སེམས་དཔས་གསུངས་ནས་དེ་བཞིན་ཉིད་དུ་གནས་པར་གྱུར་ཏོ།། མན་ངག
iiif viewer powered by OpenSeadragon
