| e-texts navigator |
| Wylie |
16a1 པོར་རྣ་རྒྱུད་གདམས་པའི་ལུང་།། རིན་ཆེན་གུས་པས་ནོད་པར་བྱ།། རིན་ཆེན་འོད་ཀྱི་བསྟན་པའམ།། རྩི་བཅུད་བུང་བས་བཞིབས་པ་ལྟར།། མ་ལུས་སྙིང་པོ་ཐུགས་ཆུད་ནས།། དེ་ནས་སོ་བཞག
16a2 ཉམས་པ་མེད།། དོན་མཐོང་རིག་པ་ཆ་སྦྱངས་པས།། སྣང་གསུམ་རྫོགས་ཆེན་རྒྱས་བཏབ་ལ།། ཐིག་ལེ་རྫོགས་པར་གནས་པར་བྱ།། རང་སེམས་ངེས་པའི་དོན་རྟོགས་པས།། ངེས་པར་དོན་ལ་འདའ་མེད
16a3 པའོ།། གདམས་པའི་རྣམ་གྲངས་ཅི་བསྟན་པ།། ཀུན་གྱི་ངེས་དོན་སྟོན་པ་ཡིན།། བླ་མའི་གདམ་ངག་ལུང་མེད་ཅིང་།། རྣ་བརྒྱུད་དགོངས་པ་མི་ལྡན་པས།། གང་བསྟན་ལོག་པའི་ཁམས་སུ་འགྱུར།། དེ་བས་གདམས
16a4 ངག་ཐོབ་པར་བྱ།། ངེས་པར་ཐོབ་པར་ཤེས་པ་ཡིས།། དེ་དག་དོན་ལས་མི་འདའ་ཡང་།། རིན་ཆེན་གླིང་ལ་བགྲོད་པའམ།། མུན་པ་འོད་དང་ཕྲད་པ་ལྟར།། གཞི་གཅིག་སྟོབས་ཀྱིས་ཁྱད་པར་འཕགས།། དུ
16a5 བཞི་ཐོག་མ་དང་པོ་ནས།། འཁྲུལ་བཅད་བརྟགས་པ་རྣམ་པར་བཟློག། དབང་པོ་གོམས་པ་ཆེ་ཆུང་གིས།། མི་གནས་པ་དང་ཅུང་ཟད་གནས།། ཡུན་རིངས་དལ་བས་འབབ་ཆུ་འདྲ།། དེ་ལ་ཡེ་ཤེས་མ་བཙལ
16a6 ན།། བར་ཆད་མེད་པའི་བརྩོན་འགྲུས་ཀྱིས།། འབབ་ཆུ་ལྟ་བུར་གནས་གྱུར་ན།། རྒྱ་མཚོ་ལྟ་བུར་མི་གཡོ་བ།། མཁའ་གསལ་འོད་ཀྱིས་བརྡལ་བ་ལྟར།། དུས་འཚམས་མེད་པར་གནས་པར་འགྱུར།། དུས་གཅིག
iiif viewer powered by OpenSeadragon
