| e-texts navigator |
| Wylie |
14a1 སྙན།། སྙིང་པོ་དོན་མཆོག་བྱང་སེམས་སྒོམ་པ་འདི།། མཚན་དང་མཚན་མེད་མ་བཅོས་གདོད་ནས་དག། རྣམ་པར་དག་པ་ཐིག་ལེ་གཅིག་གི་དང་།། མཚན་མའི་ཁུ་བྱུག་གསུང་སྙན་མཁའ་ལ
14a2 སྒྲོགས།། ངང་དང་ངང་གིས་ཞུགས་པས་བདེ་ཆེན་ལྷུན་ལ་གནས།། དམིགས་པའི་ཁུ་བྱུག་གསུང་སྙན་མཁའ་ལ་སྒྲོགས།། གཉིས་མེད་ཁུ་བྱུག་གསུང་དགུས་གང་ཡང་སྤང་བ་མེད།། གང་ལྟར་ཅི་སྐྲག་དེ་བཞིན་ཉིད་དུ
14a3 སྙན།། གང་ཡང་སྤངས་པས་སྙིང་པོ་ཐིག་ལེ་ཉིད།། དེ་བཞིན་མི་གཡོ་དང་ལ་དང་གནས་པས།། མན་ངག་སྒོམ་པའི་ཐབས་ཏེ་གང་ཡང་མི་སྤོང་མི་ལེན་དཔ་ལ་གནས།། ངང་ལ་ངང་གིས་གནས་པའི་སྐལ་ཅན
14a4 རྣམས།། རིག་པ་རང་ཤར་ནུས་པའི་དུས་མེད་པས།། ཡུན་དུ་མི་ཐོགས་འབྲས་བུ་མྱུར་དུ་ཐོབ།། ཅེས་བསྟན་པའོ།། བྱང་ཆུབ་ཀྱི་སེམས་མན་ངག་རིག་པའི་ཁུ་བྱུག་གསུང་གི་རྒྱུད།། ས་མ་ཡ་སོ་ཕག་ཤི་ཐམ།། རྫོགས
14a5 སོ།། །། @#། བཅོམ་ལྡན་འདས་དཔལ་ཀུན་ཏུ་བཟང་པོ་བདེ་བ་ཆེན་པོ་ལ་ཕྱག་འཚལ་ལོ།། སྟོན་པ་ཐུགས་རྗེ་ཆེ་མངའ་བས།། ཐུགས་ཀྱི་དཀྱིལ་ནས་བཅུད་ཕྱུང
14a6 ནས།། བྱིན་གྱིས་བརླབས་ཀྱིས་བཤད་པ་ཡིས།། རིག་པ་ཐབས་ཀྱི་རྒྱུད་པ་ཡིན།། མན་ངག་གསེར་གྱི་རུ་སྦལ་བསྐུམ་པའི་རྒྱུད།། འཁོར་རྣམས་ཀུན་ལ་བསྟན་པ་ནི།། གསེར་གྱི་རུ་སྦལ་རྒྱ་མཚོའི་གཏིང་དུ
iiif viewer powered by OpenSeadragon
