| e-texts navigator |
| Wylie |
13a1 བསྟན་པ།། ཁུ་བྱུག་གསུང་གིས་ཀུན་སྒྲོ་དང་སྐྱེ་ལྟར།། སྙིང་པོའི་དོན་མཆོག་བྱང་ཆུབ་སེམས་ཀྱི་མན་ངག་འདི།། ཡོད་ན་ཡོད་པར་གསུང་སྙན་ཐིག་ལེ་གཅིག་ཏུ་ཡོད།། ཡོད་པའི་ཁུ་བྱུག་གསུང་སྙན
13a2 མཁའ་ལ་སྒྲོགས།། མེད་ན་མེད་པའི་གསུང་སྙན་དབྱིབས་དང་ཁ་དོག་མེད།། མེད་པའི་ཁུ་བྱུག་གསུང་སྙན་མཁའ་ལ་སྒྲོགས།། གཉིས་མེད་ཁུ་བྱུག་གསུང་སྙན་མཁའ་ལ་སྒྲོགས།། སྙིང་པོ་དོན་མཆོག་བྱང་ཆུབ
13a3 སེམས་ཀྱི་མན་ངག་འདི།། གང་ལྟར་བརྗོད་པ་དེ་ལ་གསུང་སྙན་དོར་བ་མེད།། ཚིག་གི་ཁུ་བྱུག་གསུང་སྙན་མཁའ་ལ་སྒྲོགས།། གང་ལྟར་བསྟན་པ་དེ་བཞིན་དེ་ཉིད་པས།། ཡི་གེའི་ཁུ་བྱུག་གསུང་སྙན་མཁའ་ལ
13a4 སྒྲོགས།། གཉིས་མེད་ཁུ་བྱུག་གསུང་སྒྲོགས་ཀུན་ལ་སྙན།། སྙིང་པོ་དོན་མཆོག་བྱང་སེམས་མན་ངག་འདི།། ཡེ་ནས་ཇི་བཞིན་གནས་པས་ཐིག་ལེ་ཆེན་པོའི་ངང་།། ཐོག་མའི་ཁུ་བྱུག་གསུང་སྙན་མཁའ་ལ་སྒྲོགས།། ད
13a5 ལྟ་ཉིད་དུ་གནས་པ་ཐ་མ་དུས་ཀྱི་ངང་།། ཐ་མའི་ཁུ་བྱུག་གསུང་སྙན་མཁའ་ལ་སྒྲོགས།། གཉིས་མེད་ཁུ་བྱུག་གསུང་སྒྲོགས་ཀུན་ལ་སྙན།། སྙིང་པོའི་དོན་མཆོག་བྱང་སེམས་མན་ངག་འདི།། རྡོ་རྗེ་སྐུ་རུ་གནས་པས
13a6 དུས་གསུམ་འགྱུར་བ་མེད།། རྟག་པའི་ཁུ་བྱུག་གསུང་སྙན་མཁའ་ལ་སྒྲོགས།། འཁྲུལ་རྟོག་རྩད་ནས་བཅད་པས་ཉོན་མོངས་གནས་སུ་དག། ཆད་པའི་ཁུ་བྱུག་གསུང་སྙན་མཁའ་ལ་སྒྲོགས།། གཉིས་མེད་ཁུ་བྱུག
iiif viewer powered by OpenSeadragon
