| e-texts navigator |
| Wylie |
11b1 བཅོམ་ལྡན་འདས་དཔལ་ཀུན་ཏུ་བཟང་པོ་བདེ་བ་ཆེན་པོ་ལ་ཕྱག་འཚལ་ལོ།། སྟོན་པ་ཐུགས་རྗེ་ཆེ་མངའ་བས།། ཐུགས་ཀྱི་དཀྱིལ་ནས་བཅུད་ཕྱུང་ནས།། བྱིན་གྱིས་བརླབས་ཀྱིས་བཤད་པ་ཡི།། རིག
11b2 པ་ཐབས་ཀྱི་རྒྱུད་པ་ཡི།། མན་ངག་དང་མོ་འགྲོས་ཀྱི་རྒྱུད།། འཁོར་རྣམས་ཀུན་ལ་བསྟན་པ་ནི།། དང་མོའི་འགྲོས་རྫོགས་རིན་ཆེན་འདམ་ལ་འགྲོ།། འབྲེལ་ཏེ་མ་ཆད་འགྲུས་མེད་གནས་སུ་འགྲོ།། གང་དུ་ཕྱིན་ཀྱང
11b3 དོན་གྲུབ་ཀུན་ཏུ་བདེ།། དེ་བཞིན་མན་ངག་སྙིང་པོ་བྱང་ཆུབ་སེམས།། དངོས་དང་དངོས་མེད་གང་ལྟར་ཅིར་ཡང་སྣང་།། ཐམས་ཅད་ཐིག་ལེ་གཅིག་པས་བྱང་ཆུབ་སེམས་ཀྱི་ངང་།། ཕྱོགས་སུ་མ་ཆད་ཡོངས་སུ་འབྲེལ
11b4 བར་གནས།། གང་ལྟར་གནས་ཀྱང་དེ་བཞིན་ཉིད་དུ་བདེ།། མན་ངག་དང་མོའི་འགྲོས་ཏེ་འབྲེལ་བར་ཐོགས་པ་མེད་པར་འགྲོ།། བྱང་སེམས་མན་ངག་དང་མོ་འགྲོས་ཀྱི་རྒྱུད།། དོན་རྡེག་ཚིག་གིས་ཡང་དག་དོན
11b5 བསྟན་པ།། དང་མོ་འགྲོས་ཀྱི་འབྲེལ་བས་ཕྱིན་པ་ལྟར།། ཡང་དག་མན་ངག་སྙིང་པོ་བྱང་ཆུབ་འདི།། ཕྱོགས་སུ་མ་ཆད་ཀུན་གྱི་རང་བཞིན་ནི།། ཡོངས་སུ་འབྲེལ་ཏེ་སྙིང་པོ་ཐིག་ལེ་གཅིག། དཔལ་དང་གནས་མན
11b6 ངག་དང་མོའི་འགྲོས།། སྣང་སྲིད་ཡེ་སངས་རྒྱས་པས་སེམས་མེད་པས།། ཐིག་ལེ་གཅིག་ཏུ་འབྲེལ་པས་མན་ངག་དང་མོའི་འགྲོས།། ལྟ་སྤྱོད་གཉིས་མེད་གདོད་ནས་རྣམ་དག་པས།། ཐིག་ལེ་གཅིག་ཏུ་གནས་པས
iiif viewer powered by OpenSeadragon
