| e-texts navigator |
| Wylie |
10a1 ཁྱབ་གདལ་ཐིག་ལེའི་ངང་།། འདི་ཞེས་བསྟན་དུ་མེད་པས་ཡང་དག་རྒྱུད་ཀྱི་མཆོག། ཁྱུང་ཆེན་ལྡིང་བ་མན་ངག་དོན་གྱི་རྒྱུད།། ངེས་པའི་དོན་སྟོན་ཀུན་གྲོལ་ཐུགས་ཀྱི་གཏེར།། བག་ཆགས་སྒྲིབ་སེལ
10a2 རྣམ་དག་ཆུ་བོའི་རྒྱུན།། ཉོན་མོངས་བདུད་འདུལ་བདུད་རྩི་ཆེན་པོའི་བཅུད།། རྒྱུད་དང་སྟོན་པར་བཅས་ལ་བསྟོད་ཕྱག་འཚལ།། གང་ལ་སེམས་གཉིས་མེད་ཅིང་ཆགས་པ་ཀུན་བྲལ་འདི།། ཡང་དག་ཐུགས་ཀྱི་སྲས
10a3 མཆོག་ཁྱོད་ལ་གཏད།། ངེས་པར་འདི་བཟུང་ཐུགས་ལ་ཐུགས་ཀྱི་ཆོངས།། ཞེས་བསྟོད་དོ།། བྱང་ཆུབ་ཀྱི་སེམས་མན་ངག་ཁྱུང་ཆེན་ལྡིང་བའི་རྒྱུད།། ས་མ་ཡ་སོ་ཕག་ཤི་ཐམས། རྫོགས་སོ།། །།
10a4 བཅོམ་ལྡན་འདས་དཔལ་ཀུན་ཏུ་བཟང་པོ་བདེ་བ་ཆེན་པོ་ལ་ཕྱག་འཚལ་ལོ།། སྟོན་པ་ཐུགས་རྗེ་ཆེ་མངའ་བས།། ཐུགས་ཀྱི་དཀྱིལ་ནས་བཅུད་ཕྱུང་ནས།། བྱིན་གྱིས་བརླབས་ཀྱིས་བཤད་པ་ཡི།། རིག
10a5 པ་ཐབས་ཀྱི་བརྒྱུད་པ་ཡིས།། མན་ངག་སེང་ཆེན་མཆོངས་པའི་རྒྱུད།། འཁོར་རྣམས་ཀུན་ལ་བསྟན་པ་ནི།། སེང་གེ་རྩལ་རྫོགས་གང་དཀར་རྩེ་ལ་མཆོད་།། ཕྱོགས་བཅུ་ཀུན་བདེ་གང་ལ་ཐོགས་པ་མེད།། རྩལ་གསུམ
10a6 ལུས་ལ་རྫོགས་པས་དེ་བཞིན་ཀུན་ཏུ་མཆོད་།། གང་ལ་ཐོགས་པ་མེད་པས་དེ་བཞིན་ཀུན་ཏུ་བདེ།། དེ་བཞིན་མན་ངག་སྙིང་པོ་བྱང་ཆུབ་སེམས།། ཡེ་ཤེས་རྩལ་དྲུག་རྫོགས་པས་གང་ལ་ཉམ་ང་མེད།། ཐམས
iiif viewer powered by OpenSeadragon
