| e-texts navigator |
| Wylie |
7a1 དང་མཉམ་པའི་རྒྱུད་ལས། བྱང་ཆུབ་ཀྱི་སེམས་གསལ་བར་མངོན་དུ་བསྟན་པའི་ལེའུ་སྟེ་བདུན་པའོ།། །། ཅིས་ཀྱང་མཚོན་མེད་མ་བགྲོད་རང་བཞིན་གྲོལ།། མི་གནས་སྟོང་ཉིད་ཡེ་ནས་དག་པའི
7a2 དོན།། བཙལ་བས་མ་ཡིན་མ་བཙལ་རྙེད་མ་ཡིན།། འོད་གསལ་ཡེ་ཤེས་ཆེན་པོ་ནམ་མཁའ་འདྲ།། རྒྱུ་མེད་རང་གསལ་མི་བསམ་བསམ་མི་ཁྱབ།། རྣམ་པར་དག་པའི་ངང་ལ་རྩེ་གཅིག་གནས།། མཚན་མེད་སྤྲོས་པ
7a3 སྐྱེ་མེད་དབྱིངས་སུ་བརྡལ།། འཛེག་པའི་རྒྱུ་བ་གནས་བཅས་ཡེ་ནས་སྟོང་།། དེ་ཕྱིར་མི་བསམ་མི་རྟོག་དབྱིངས་དང་བྲལ།། ཡིན་པའི་དོན་ལ་རྟོག་དང་མི་རྟོག་བྲལ།། གཡོ་འགུལ་དག་པའི་རང་བཞིན་བསམ་དུ
7a4 བྲལ།། རྐྱེན་གྱི་རང་བཞིན་བདེ་བ་སྡུག་བསྔལ་རྣམས།། མི་གནས་དབྱིངས་ཀྱི་ཐེག་པ་ཐེ་ཚོམ་བྲལ།། སྣང་སྲིད་ཐམས་ཅད་མ་སྐྱེས་རྣམ་པར་དག། རྒྱུ་འབྲས་ཆོས་ལས་འདས་པས་དབྱིངས་ཕྱུག་དག། ཐ་དད་འཛིན
7a5 དང་ཡུལ་མེད་འཁོར་བ་དག། དེ་འདྲ་གཏིང་དཔག་དཀའ་བ་རྒྱ་མཚོ་ཟབ།། རང་རིག་རྩལ་དུ་ཉམས་ལ་གསལ་བར་ཟབ།། དེ་ཉིད་གང་དང་བརྗོད་མེད་བརྗོད་ལས་འདས།། མཚོན་པའི་དཔེ་ལས་འདས་ཤིང་རྡུལ
7a6 དང་བྲལ།། རྒྱུ་ཡི་ཡན་ལག་མ་ཉམས་གསལ་གྱུར་ན།། སངས་རྒྱས་གཞན་ན་མེད་དེ་དེ་ཉིད་ཡིན།། མཚན་མའི་དབྱིངས་སུ་མ་གྲུབ་ཁ་དོག་བྲལ།། ཚིག་དང་ཡི་གེ་མེད་པས་བརྗོད་ལས་འདས།། དམིགས་པའི་རྟེན
iiif viewer powered by OpenSeadragon
