| e-texts navigator |
| Wylie |
6a1 བཟང་པོའི་རོལ་པ་ནམ་མཁའ་ཆེ།། ནམ་མཁའ་མི་བསམ་ནམ་མཁའི་ཡུལ་ལས་འདས།། རྩོལ་བས་ཟིན་པའི་ནད་སྤངས་ནམ་མཁའ་འདྲ།། མི་འགྱུར་ལྷུན་གྱིས་གྲུབ་པས་བཞག་པ་ཡིན། ཁ་ས་མུ་ཛ
6a2 ནམ་མཁའ་དང་མཉམ་པའི་རྒྱུད་ལས། ཀུན་ཏུ་བཟང་པོའི་རང་བཞིན་དབྱེར་མེད་པར་བསྟན་པའི་ལེའུ་སྟེ་དྲུག་པའོ།། །། སེམས་ཀྱི་མཚན་ཉིད་ཕྱོགས་ཆ་གཅིག་ཏུ་བསྟན།། དེ་ཡི་མཚན་ཉིད་འདི་ཞེས་བསྟན་པར
6a3 དཀའ།། དེ་ལ་སྐྱེ་མེད་འཕོ་འགྱུར་གནས་པ་མེད།། རང་བཞིན་འཕྲུལ་པའི་རྒྱུ་དྲུག་མེད་ཅིང་སྟོན།། རྒྱུ་ཡི་རིག་པ་མེད་ཅིང་གནས་པ་མེད།། གནས་པའི་རྒྱུ་མེད་རྟེན་པའི་རྐྱེན་དང་བྲལ།། བྲི་བ་མེད་ཅིང་སྐྱེ་བའི
6a4 ཕེལ་བ་མེད།། སུ་ལ་ཕན་མེད་དེ་ཉིད་གནོད་མི་འགྱུར།། འདི་ལ་སྣང་བ་མེད་ཅིང་མུན་པ་མེད།། སངས་རྒྱས་མེད་ཅིང་སེམས་ཅན་ཡོད་མ་ཡིན།། བྱང་ཆུབ་མེད་ཅིང་ལམ་ཡང་ཡོད་མ་ཡིན།། འཁོར་བ་མ་ཡིན་མྱ
6a5 ངན་འདས་མ་ཡིན།། ནམ་མཁའ་མ་ཡིན་ནམ་མཁའི་ཡུལ་ལས་འདས།། ཤེས་རབ་མེད་ཅིང་ཐབས་ཀྱང་ཡོད་མ་ཡིན།། དབྱིངས་དང་ཡེ་ཤེས་གཉིས་ཀྱང་ཡོད་མ་ཡིན།། ཡོད་མེད་ཀུན་ལས་འདས་པའི་སྟོང་ཆེན
6a6 པོ།། མི་བསམ་མི་བརྗོད་རིག་པའི་ཀློང་དུ་བརྡལ།། ཅི་ཡང་མེད་དེ་མེད་པ་སྙིང་པོའི་དོན།། ལྷུན་གྱིས་གྲུབ་པའི་མཛད་པ་ཅིར་ཡང་སྣང་།། སྐལ་ལྡན་ལྷུན་གྲུབ་དགོངས་པ་གསལ་བར་འགྲེལ།། དེ་ཉིད་དེ་ཡིན་ཆེ།
iiif viewer powered by OpenSeadragon
