| e-texts navigator |
| Wylie |
5a1 འབྱུང་བའི་རྒྱུ།། རིག་པ་གཅིག་ཏུ་ངང་གིས་མི་འབྱེད་ཅིང་།། ཐམས་ཅད་གཅིག་གི་ངོ་བོ་ཀུན་ལས་འདས།། དེ་ཉིད་དེ་ཡིན་རྒྱུ་ལས་རྟག་ཏུ་གྲོལ།། མ་སྦྱངས་རྣམ་པར་དག་པའི་སྤྱོད་ཡུལ་ས།། ཐོབ་དང
5a2 མི་ཐོབ་འཛིན་པའི་རྟེན་ལས་གྲོལ།། སངས་རྒྱས་སེམས་ཅན་གཉིས་མེད་རིག་པའི་ཡུལ།། ཡིད་ལ་བྱེད་པའི་འདུ་ཤེས་ནམ་མཁའ་འདྲ།། བརྗོད་པར་འཕྲུལ་པའི་ཆོས་ཡིན་དེ་ཉིད་བྲལ།། འདི་ལ་བསམ་པ་མེད་ཅིང
5a3 སྒྲུབ་པ་མེད།། གཉེན་པོ་ལམ་གྲི་བཅོས་སུ་ག་ལ་ཡོད།། དེ་ཉིད་མ་ཡིན་སྣང་བ་རིགས་དང་བྲལ།། རིག་པ་རྩལ་སྦུགས་བྱ་བྱེད་སྨོན་པ་མེད།། ལྷུན་གྱིས་རྫོགས་པ་ཡེ་ཤེས་སྔ་མའི་དོན།། སྐྱེ་བ་མེད་པའི་ཆོས་ཉིད་སྔ
5a4 མའི་དོན།། མི་དམིགས་མི་རྒོལ་བྱ་བཙལ་ཡུལ་ལས་འདས།། རྟོག་དང་སྤྱོད་ཡུལ་ནི་གཉིས་མེད་ཆོས་ཀྱི་དབྱིངས།། རྟོག་དང་སྤྱོད་པའི་ཡུལ་ཡེ་ཤེས་མི་གནས་དོན།། རིག་པ་མཁའ་ལྟར་དག་པའི་ཡེ་ཤེས་མི་གནས
5a5 གསལ།། རྣམ་རྟོག་བློ་ཡི་སྤྱོད་པས་ཅི་ཞིག་བྱ།། སྤྲུལ་པའི་ཆོས་ལ་བསྡད་པའི་དམིགས་བུ་འདྲ།། མི་གནས་མི་བཙལ་རིག་པའི་མཁའ་ཀློ་བརྡལ།། ཟུག་རྔུ་བྲལ་བའི་ཡེ་ཤེས་རྡུལ་བྲལ་འཇམ།། གཉེན་པོ་ཡེ་ཤེས
5a6 འཁྲུལ་པ་ནོར་བའི་ལམ།། དེ་ཉིད་དེ་ལས་བསྟན་པས་ལམ་ཆེན་པོ།། ཡེ་ཤེས་དེ་ལས་མི་ཉམས་གཉིས་སུ་མེད་པའི་ངང་།། ཆོས་རྣམས་དག་པའི་ངང་དུ་མཉམ་ཤེས་ན།། དག་པ་མཉམ་ཉིད་སངས་རྒྱས་ཀུན་གྱི
iiif viewer powered by OpenSeadragon
