| e-texts navigator |
| Wylie |
4a1 དང་།། འོད་གསལ་དོར་མཛད་གཉིས་མེད་ལྷུན་གྲུབ་དང་།། རྒྱུ་ཡི་རང་བཞིན་དབྱེར་མེད་སྐུ་གསུང་ཐུགས།། རིག་པའི་ངོ་བོ་གཉིས་བྲལ་ཆོས་དབྱིངས་དང་།། སེམས་ཀྱི་རྒྱུ་ལ་སྒྲུབ་པའི་འབྲས་བུ
4a2 གནས།། ཡོན་ཏན་འདུས་པའི་རྩ་བ་སྲོག་དང་རྒྱུ།། འགྲོ་བའི་སྡུག་བསྔལ་ལྷུན་གྲུབ་བྱང་ཆུབ་རྒྱུད།། དབྲི་བཀོལ་མེད་པའི་ལམ་གྱིས་ལྷུན་གྲུབ་ཏུ།། ཅི་ལའང་མ་ཡིན་ངེས་སྣང་མཐའ་ལས་འདས།། སྐྱེ་མེད་མི་གནས
4a3 རྡོ་རྗེ་འཇིག་པ་མེད།། དངོས་པོའི་ཡུལ་ཅན་དམིགས་པའི་རྒྱུ་ལས་གྲོལ།། ཡེ་ནས་ལྷུན་གྲུབ་མི་དམིགས་བྱང་ཆུབ་སེམས།། ལྟས་པས་མ་གྲུབ་སྐྱེ་མེད་ལྷུན་གྱིས་གནས།། རིག་པ་ལྷུན་གྲུབ་གཉིས་མེད་རང་བཞིན
4a4 གསལ།། ཟླ་བའི་གཟུགས་བརྙན་ལྟ་བུ་མི་གནས་པ།། བདེ་ཆེན་རིག་པའི་ཀློང་དུ་ངང་གིས་གནས།། རྒྱུ་ཡི་ལུས་ངག་ཡིད་གསུམ་སྐུ་གསུང་ཐུགས།། མཉམ་པའི་རང་བཞིན་མི་གནས་ཐུགས་སུ་སྦྱོར།། གཡོ་དང་མི
4a5 གཡོ་རང་སྣང་སྐྱེ་འཇིག་བྲལ།། ཆོས་ཉིད་བརྡལ་བའི་རླུང་དུ་ངང་གིས་ཕེབས།། འོད་གསལ་མཉམ་པའི་རླུང་དུ་ངང་གི་གནས།། བློ་ཡི་སྤྱོད་ཡུལ་མ་ཡིན་མྱོང་ཞིང་རེག་པ་དཀའ།། འདུས་བྱས་རྩ་ནས་དག་ཅིང་ཡེ
4a6 ནས་གྲོལ།། མི་གནས་རྒྱལ་བ་རྣམས་ཀྱི་གསང་ཆེན་ཟུགས།། འཁོར་བ་རུ་ཟློག་རྒྱུད་དྲུག་རྩད་ནས་གཅད།། འགྲོ་བའི་སྡུག་བསྔལ་ཆོད་ཉིད་བྱང་ཆུབ་སེམས།། ངོ་བོ་རང་རིག་མི་གནས་མྱ་ངན་འདས།། དེ་ལ་དེ
iiif viewer powered by OpenSeadragon
