| e-texts navigator |
| Wylie |
3b1 ཅད་བྱང་ཆུབ་ཞིང་ལ་ཐ་དད་མེད།། དབྱེར་མེད་ཀུན་བཟང་མི་འགྱུར་རྩོལ་མེད་པ།། མཚོན་དུ་གསང་བའི་ཆོས་ཉིད་ཡེ་ཤེས་ཆེ།། བརྗོད་པའི་ཚིག་དང་ཐ་སྙད་ཡུལ་ལས་འདས།། ང་མེད་ང་ཞེས་བསྟན་པས་འཁྲུལ
3b2 ཅིང་ཉམས།། མི་དམིགས་དངོས་སུ་མི་སྣང་ཕྱོགས་ཆའི་ཡུལ།། དམིགས་པ་འཛིན་པ་རྒྱུ་མེད་མཚན་མེད་དབྱིངས།། དངོས་པོའི་གནས་ལ་མ་ཆགས་བྱ་བ་མེད།། འཛིན་པའི་ཡུལ་ལ་མི་དམིགས་ནམ་མཁའ
3b3 འདྲ།། ཆོས་ཉིད་རྩལ་མེད་མུ་མེད་རྒྱ་དང་བྲལ།། གནག་པའི་དོན་དམ་ངེས་པའི་འབྲས་བུ་གཅིག། གསལ་བའི་རང་བཞིན་དགོངས་པ་གཅིག་ཏུ་བསྟན།། མཉམ་ཉིད་གསལ་བའི་དོན་ནི་ཅིར་མི་དགོངས།། མི་རྟོག
3b4 སྙིང་པོའི་ངང་དུ་འདུ་འབྲས་མེད།། སོ་སོར་རྟོག་པའི་སྟོབས་ཀྱིས་མི་འདྲེས་གསལ།། སྙིང་པོའི་རང་བཞིན་དོན་དམ་ལེགས་པ་ཆེ།། མཉམ་ཉིད་ང་བདག་མེད་པས་ཕྱོགས་རིས་མེད།། འཛིན་མེད་མཉམ་པའི་རླུང་དུ
3b5 ང་གིས་གནས།། རིག་པ་ལུང་གི་མན་ངག་ཁྱད་པར་ཆེ།། བདེ་བའི་སྒྲོན་མ་དག་པའི་མུན་པ་སེལ།། ཐབས་ཆེན་མཛད་པས་འཕྲིན་ལས་ལྷུན་གྱིས་གྲུབ།། ཐག་རིང་དུ་འགྲོ་བ་ནམ་མཁའི་མཐའ་དང་མཉམ་པའི
3b6 རྒྱུད་ལས། ཁྱད་པར་ཐབས་ཀྱིས་ཆེ་བ་བསྟན་པའི་ལེའུ་སྟེ་གསུམ་པའོ།། །། མ་སྐྱེས་མ་བཙལ་ཡེ་ནས་ཡིན་པའི་དཔལ།། རིག་པ་བཙལ་གྱི་མན་ངག་ཅིར་ཡང་གསལ།། རྡུལ་འབྲལ་མཁའ་ལྟར་དག་པ་ཆོས་ཉིད
iiif viewer powered by OpenSeadragon
