| e-texts navigator |
| Wylie |
3a1 དུ་མེད་དེ་སྙིང་པོའི་དོན།། སྙིང་པོའི་དོན་ལ་མི་རྩོལ་མི་འགྱུར་བརྟན།། ནམ་མཁའ་ཆེ་ལ་མི་གནས་ནམ་མཁའི་ལམ།། ནམ་མཁའ་དེ་ཉིད་མི་དམིགས་མི་འགྱུར་བརྟན།། ཡེ་ནས་གྲུབ་པའི་རང་བཞིན
3a2 ཅི་མི་དགོངས།། མི་འགྱུར་རྟག་པ་ཆེན་པོ་ཀུན་ཏུ་བཟང་།། ཆོས་ཀུན་མ་སྦྱངས་ཡེ་ནས་དེ་ཡི་རྒྱན།། བཙལ་ཡང་མེད་པའི་འཕྲིན་ལས་ཡེ་ནས་གྲུབ།། རྩོལ་དང་བྲལ་བའི་རྟོག་པ་ཀུན་ཏུ་བཟང་།། ཐམས་ཅད་མེ
3a3 འབྱེད་དོན་ལ་ཅི་མི་དགོངས།། ཐ་དད་གཉིས་མེད་བདེ་བའི་ཡེ་ཤེས་ནི།། མི་འགྱུར་ལྷུན་གྱིས་གྲུབ་སྟེ་ཡེ་ནས་ཆེ།། གོམས་པའི་ཤུགས་ཀྱིས་རྟག་པ་བདེ་ལ་སྤྱོད།། བདེ་བ་ཆེན་པོ་ལོངས་སྤྱོད་ཡེ་ནས་རྫོགས།། ཐ
3a4 ད་གཉིས་སུ་མི་འབྱེད་ཀུན་ལ་བརྒྱན།། རྫོགས་པའི་ཡེ་ཤེས་མི་སྒོམ་དེ་ཉིད་ཡིན།། ཐག་རིང་དུ་བགྲོད་པ་ནམ་མཁའ་དང་མཉམ་པའི་རྒྱུད་ལས། སྲིད་པ་གསུམ་སྦྱོང་བར་བྱེད་པའི་ལེའུ་སྟེ་གཉིས་པའོ།། །། མུན
3a5 པའི་འོད་ཟེར་འཆིང་བའི་རྒྱ་དང་མཚུངས།། དེ་དོན་འཆིང་བའི་རྒྱ་དང་གྲོལ།། འོད་ཀྱི་སྟོབས་ཀྱིས་གསལ་བ་ལྟར།། མཚོན་བྱེད་ཐབས་ཀྱིས་རང་བཞིན་འབྲེལ་པ་ཚང་།། བཀའ་ཡི་བདུད་རྩི་སྨན་གྱི་བཅུད་ཀྱིས
3a6 བསྡུས།། སྒྲུབ་བྱེད་རྒྱུ་ཡི་རང་བཞིན་མཚོན་བྱེད་ཐབས།། གསལ་སྣང་ཟ་དད་མི་འབྱེད་ཡེ་ཤེས་ཐུགས།། སྐུ་གསུང་ལྷུན་གྱིས་གྲུབ་པའི་འབྲས་བུ་གཅིག། བྱ་བྱེད་མི་བྱ་མེད་པས་ཡེ་ནས་ཀུན་ལ་ཁྱབ།། ཐམས
iiif viewer powered by OpenSeadragon
