| e-texts navigator |
| Wylie |
2b1 བཞིན་དེ་དང་མཉམ། ཐམས་ཅད་ཆོས་རྣམས་ང་ཡི་ཚུལ་དང་མཐུན།། ཅེས་བཀའ་སྩལ་ཏོ།། ཟག་རིང་དུ་བགྲོད་པ་ནམ་མཁའི་མཐའ་དང་མཉམ་པའི་ལེའུ་སྟེ་དང་པོའོ།། །། དེ་ནས་རྣལ་འབྱོར་གྱི་དབང་ཕྱུག་ཆེན
2b2 པོ་དེས་འདི་སྐད་ཅེས་གསོལ་ཏོ།། ཆོས་རྣམས་ཐམས་ཅད་ནམ་མཁའི་མཐའ་མཉམ་པ།། རིན་ཆེན་གཏེར་གྱི་འབྱུང་གནས་དགོངས་པ་འགྲུབ།། སྐལ་ལྡན་བཅུད་དུ་གྱུར་པ་རིན་ཆེན་ས།། དེ་ཉིད་དེ་ཡུལ་ཕྲ་བའི་མུན
2b3 སེལ་མཛོད།། ཅེས་གསོལ་པ་དང་། སྟོན་པ་ཀུན་ཏུ་བཟང་པོས་འདི་སྐད་ཅེས་བཀའ་སྩལ་ཏོ།། ནམ་མཁའི་མཐའ་དང་འདྲ་བའི་མཉམ་པ་ཉིད།། མི་ལེན་མི་སྤོང་སྙིང་པོ་སྙམ་པའི་ངང་།། དེ་ཉིད་མ་འདས་རིན་ཆེན
2b4 གླིང་དང་མཚུངས། ཁམས་གསུམ་མི་ལྔས་དོན་ལ་མངའ་དབང་སྐྱེས།། མི་སྤོངས་མི་སྦྱོང་ཚེ་ཆད་རྟོག་པའི་ནད།། དེ་ལས་མི་འགྱུར་མི་རྩོལ་རྒྱུ་དང་བྲལ།། ལྷུན་གྲུབ་སྤྲོས་མེད་ཡེ་ནས་རྫོགས་པའི་ངང་།། བསྟི་ནས
2b5 དབང་པོའི་རྩོལ་བས་རྙེད་པའང་མེད།། ཐ་དད་མི་འཛིན་འཛིན་པའི་རྩལ་དང་བྲལ།། རང་རིག་བཅོས་མེད་བདེ་བ་ཆེན་པོའི་ཀློང་།། རེ་བ་ཡུལ་ལས་འབྱུང་ཞིང་རྩོལ་བས་གོལ།། དེ་ཕྱིར་གཞན་ནས་མི་བཙལ་རྙེད
2b6 མི་འགྱུར།། སྤྲོས་མེད་ཡེ་ཤེས་རང་བཞིན་ཅིར་ཡང་བརྡལ།། བགྲོད་པར་བྱ་བའི་མ་ནོར་དྲང་པོ་ཡིས།། ཡེ་ནས་མི་དམིགས་མ་བཅོས་རང་བྱུང་གནས།། རྡོ་རྗེ་ལྟ་བུ་ཡེ་ཤེས་མི་འགྱུར་མུན་པ་མེད།། ཚོལ་བས་བཙལ
iiif viewer powered by OpenSeadragon
