| e-texts navigator |
| Wylie |
20a1 མི་གཡོ་ཆོས་ཀྱི་སྐུ།། སྟོབས་སུ་གྱུར་ན་འཇིག་རྟེན་ཆུ་ཟླ་འདྲ།། མི་གནས་ཐུགས་ཀྱི་སྤྲུལ་པ་ཀུན་ལ་ཁྱབ།། འབྲས་བུ་མཛད་པ་སྤྲོས་མེད་ནམ་མཁའ་འདྲ།། ཞེས་རྟོག་པ་དམ་པ་བརྗོད་ན་ཡང་།། རྣལ
20a2 འབྱོར་གྱི་དབང་ཕྱུག་དེས། སྟོན་པ་ཀུན་ཏུ་བཟང་པོ་ལ་འདི་སྐད་གསོལ་ཏོ།། རྣལ་འབྱོར་ཆེན་པོའི་དོན་ལ་བསླབ་པར་སེམས་པས་མཚན་གྱི་རྣམ་གྲངས་ཁྱད་པར་ཇི་ལྟར་བལྟ་བར་བྱ་ཞེས་གསོལ་བ་དང་།། སྟོན་པ
20a3 ཀུན་ཏུ་བཟང་པོ་དེས་འདི་སྐད་ཅེས་བཀའ་སྩལ་ཏོ།། འདི་ཉིད་རྟོགས་པ་ཐབས་ཀྱི་དོན་ཡོངས་སུ་སྡུད་པ་ཞེས་བྱ་བ་དང་།། ཀུན་ཏུ་བཟང་པོ་མཁའ་ཀློང་དུ་ཐམས་ཅད་འཁྱིལ་པ་ཞེས་བྱ་བ་དང་།། སངས
20a4 རྒྱས་ཐམས་ཅད་ཀྱི་རང་བཞིན་ཡེ་ཤེས་མུན་པ་མེད་པ་ཞེས་བྱ་བ་དང་། ཐག་རིང་དུ་བགྲོད་པ་ནམ་མཁའ་དང་མཉམ་པའི་རྒྱུད་ཅེས་བྱ་བར་ཡང་ཟུང་ཞིག་ཁ་ས་མུན་ཛ་ནམ་མཁའ་དང་མཉམ་པའི་རྒྱུད་ལས།། མཚན
20a5 གྱི་དོན་གཏད་པའི་ལེའུ་སྟེ་ཉེར་ལྔ་པའོ།། །། དེ་ནས་ཡང་སྟོན་པ་ཉིད་སྣང་བ་ཐམས་ཅད་ནམ་མཁའི་རི་མོའི་གཞལ་ཡས་ཁང་དུ་བསྡུས་ནས་བཞུགས་སོ།། དེ་ནས་རྣལ་འབྱོར་གྱི་དབང་ཕྱུག་ཆེན་པོ་དེ
20a6 དང་།། ནམ་མཁའི་མཐའ་དང་མཉམ་པའི་འཇིག་རྟེན་གྱི་ཁམས་ནས་འདུས་པའི་རྣལ་འབྱོར་གྱི་དབང་ཕྱུག་ཐམས་ཅད་ཡི་རངས་པར་གྱུར་ཏོ།། ཁ་ས་མུན་ཛ་ནམ་མཁའ་དང་མཉམ་པའི་རྒྱུད་རྫོགས་སོ།། །།
iiif viewer powered by OpenSeadragon
